લૉકડાઉન ખૂલતા જ વિશ્વના અનેક દેશમાં કોરોનાનો આતંક ફરી ફેલાતો જોવા મળ્યો છે. ઓસ્ટ્રેલિયા, તુર્કી, પેલેસ્ટાઈનમાં કોરોના ફરી માથું ઉંચકી રહ્યો છે. અહીં પ્રધાનમંત્રી મુહમ્મદ શતયેહે પશ્ચીમી તટના હર્બોન શહેરમાં ફરીથી લૉકડાઉનનો આદેશ જાહેર કર્યો છે. હર્બોનમાં 1 દિવસમાં 103 નવા કેસ આવતાં ચિંતા વધી છે.
લૉકડાઉન ખુલતા જ કોરોના હાવી
વિશ્વના અનેક દેશમાં કોરોનાની રીએન્ટ્રી થતાં લૉકડાઉન લાગૂ
ઓસ્ટ્રેલિયા, તુર્કી, પેલેસ્ટાઈનમાં ફરી અટેક
ઓસ્ટ્રેલિયા, તુર્કી, પેલેસ્ટાઈન સહિત અનેક દેશમાં ફરી અટેક કરી રહ્યો છે. તુર્કીમાં 1500થી વધુ નવા કેસ નોંધાઈ રહ્યા છે. તો ઈસ્તાંબુલ, ઈઝમિર, બુરસામાં વધુ 14 દિવસનું લૉકડાઉન જાહેર કરવામાં આવ્યું છે. ઓસ્ટ્રેલિયાના વિક્ટોરિયામાં ફરી લોકોને એકઠા થવા પર પ્રતિબંધ મૂકાયો છે. કોરોનાને કાબુમાં લેવા માટે સઉદી અરબમાં પણ કડક નિયમો લાગુ કરાયા છે.
જાણો ક્યા કયા નિયમો કરાયા લાગૂ
ઓસ્ટ્રેલિયાના વિક્ટોરિયા પ્રાંતમાં ફરી મોટી સંખ્યામાં લોકોને એકઠા થવા પર પ્રતિબંધ મૂકાયો છે. મેલબર્ન શહેરમાં એક જ દિવસમાં 21 કેસ નોંધાયા જે રેકોર્ડ બ્રેક કેસ છે. રાષ્ટ્રપતિ ડેન એન્ડ્રયૂઝે કહ્યું કે લૉકડાઉનમાં છૂટછાટ બાદ લોકો સોશ્યલ ડિસ્ટન્સિંગનું પાલન કરી રહ્યા નથી. આ કારણે કડક પગલાં લેવા પડી રહ્યા છે. સઉદી અરબમાં પણ સરકારે રવિવારે રાષ્ટ્રવ્યાપી કરફ્યૂ ખતમ કરવાનો નિર્ણય લીધો હતો પણ એક દિવસમાં દેશમાં 4000 નવા કેસ આવ્યા છે.. જો કે અહીં હજુ પણ સમારોહ, ભીડ એકત્રિત થવી અને આંતરરાષ્ટ્રિય ફ્લાઈટ્સ પર પ્રતિબંધ છે.