અરુણાચલ પ્રદેશના લોઅર સુબાનસિરી જિલ્લાના ચિપુતા ગામમાં ભારે વરસાદને કારણે આવેલા પૂરમાં એક સ્કોર્પિયો કાર તણાઈ ગઈ હતી.
અરુણાચલ પ્રદેશમાં એક સ્કોર્પીઓ કાર ખાઈમાં પડી
ભારે વરસાદના લીધે કાર પાણીના પ્રવાહમાં તણાઈ હતી
આ દુર્ઘટનામાં કોઈ જાનહાનીના સમાચાર મળ્યા નથી
અરુણાચલ પ્રદેશના લોઅર સુબાનસિરી જિલ્લાના ચિપુતા ગામમાં ભારે વરસાદને કારણે આવેલા પૂરમાં એક સ્કોર્પિયો કાર તણાઈ ગઈ હતી. શુક્રવારે દોઇમુખ અને પોટિન રોડ વચ્ચે આ અકસ્માત સર્જાયો હતો, જેમાં કોઇ જાનહાનિ થઇ ન હતી.
ઘટનાનો વિડીયો વાયરલ થયો
આ ઘટનાનો વીડિયો હાલ સોશિયલ મીડિયામાં વાયરલ થયો છે, જેમાં સ્કોર્પિયો કાર રસ્તા પર પાણીના જોરદાર પ્રવાહમાં ફસાઈ રહી છે. કારનો દરવાજો ખુલ્લો છે અને તેની પાસે 3 લોકો ઉભા છે. એવું લાગે છે કે આ લોકો આ કારમાં હતા. જો કે આ અંગે કોઇ સ્પષ્ટ માહિતી મળી નથી. આ વીડિયો ઘટનાસ્થળથી દૂર ઊભેલી એક કારમાંથી બનાવવામાં આવ્યો છે, જેમાં એક વ્યક્તિ તે કાર તરફ હળવા ડગલાં ભરીને આગળ વધતો જોવા મળી રહ્યો છે, પરંતુ આ દરમિયાન કાર એક ઊંડી ખાઈમાં પડી ગઈ. જુઓ વિડીયો...
#WATCH | Arunachal Pradesh: A Scorpio car washed away due to flash floods at Chiputa village in Lower Subansiri district (23.09) pic.twitter.com/9FMGMyUOuR
પૂર્વોત્તર રાજ્યોમાં મુશળધાર વરસાદ
જણાવી દઈએ કે પૂર્વોત્તર ભારતના રાજ્ય અરુણાચલ પ્રદેશમાં છેલ્લા ત્રણ-ચાર દિવસથી અતિ ભારે વરસાદ નોંધાઈ રહ્યો છે. આ દરમિયાન ઘણી જગ્યાએ પૂર અને ભૂસ્ખલનના સમાચાર પણ મળી રહ્યા છે. હવામાન વિભાગના જણાવ્યા અનુસાર બંગાળની ખાડીના ઉત્તરપૂર્વમાં ચક્રવાતી સ્થિતિ છે, જેના કારણે પૂર્વોત્તર રાજ્યોમાં મુશળધાર વરસાદ પડી રહ્યો છે.