SC / વિદેશમાંથી MBBS કરેલા ડૉક્ટર્સને ભારતમાં પ્રેક્ટિસ કરવાની છૂટ આપવા માટે ઉઠી માગ, મહામારીમાં આ ડૉક્ટર્સ થઈ શકે છે ઉપયોગી

• સુપ્રીમ કોર્ટમાં અરજી કરવામાં આવી 
• 2020ના પાસઆઉટ વિદેશી MBBS ડોક્ટર્સને ઈન્ટર્નશિપ કરવાની પરવાનગી આપવામાં આવે 

વિદેશી એમબીબીએસની ડિગ્રી લઈને આવેલા ભારતીય ડોક્ટરોને કોરોના કાળમાં પોતાની સેવા આપવાની પરવાનગી આપવા માટે લાખલ કરેલી અરજી પર સુપ્રીમ કોર્ટે નોટિસ જાહેર કરી છે. જસ્ટિસ એલ નાગેશ્વર રાવ અને જસ્ટિસ અનિરૂદ્ધ બોસની ખંડપીઠે આ અરજી પર કેન્દ્ર સરકાર અને મેડિકલ કાઉન્સિલ ઓફ ઈન્ડિયાને નોટિસ જાહેર કરી છે. આ અરજી ઈન્ડિયન ફોરેન મેડિકલ સ્ટૂડન્સ વેલફેર એમસીઆઈ ગુરકુળ ટ્રસ્ટની સાથે સાથે એસોસિએશન ઓફ એમડી ફિઝિશિયન્સે દાખલ કરી છે. 

શું કરવામાં આવી છે અરજી? 
અરજીમાં નેશનલ બોર્ડ ઓફ એક્ઝામિનેશન એટલે કે NBEના નિયમમાં ઓછામાં ઓછું એક વખત હાલ માટે રાહત આપવાની અરજી કરી છે. જેથી આ કોરોના કાળમાં વિદેશી મેડિકલ કોલેજો અથવા વિશ્વવિદ્યાલયોમાંથી ડોક્ટરની ડિગ્રી લઈને આવેલા ડોક્ટરોને દેશની સેવા કરવાનો મોકો આપવાનો રસ્તો સાફ થાય.

અરજીમાં કરવામાં આવી છે આ માંગ 
અરજીમાં માંગ કરવામાં આવી છે કે સુપ્રીમ કોર્ટ કેન્દ્ર સરકારને આદેશ આપી છે કે 2020ના પાસઆઉટ ડોક્ટર્સને સ્ક્રિનિંગ ટેસ્ટ ક્વોલિફાઈંગ પહેલા ઈન્ટર્નશિપ કરવાની પરવાનગી આપવામાં આવે અને પરિક્ષા બાદમાં પણ લેવામાં આવે તો ડોક્ટર્સ પોતાની સેવા તો આપી શકે.