આકર્ષક / OMG! Appleએ લોન્ચ કર્યો સૌથી સસ્તો 5G iphone, કિંમતની સાથે ફીચર્સ જાણીને પણ થઇ જશો ખુશખુશાલ

• iPhone SE 3 લૉન્ચ
• iPhone SE 3 A15 Bionic ચિપસેટ દ્વારા સંચાલિત
• 12MP નો સિંગલ રિયર કેમેરા અપાયો છે

Apple એ A15 Bionic ચિપસેટ સાથે નવો iPhone SE 2022 લોન્ચ કર્યો છે. તેની ડિઝાઇનમાં કોઈ જ ફેરફાર કરવામાં નથી આવ્યો, પરંતુ ચિપસેટના કિસ્સામાં તેના વધારે મોટા એડિશન થયા છે. આ સ્માર્ટફોન એ જ જૂની iPhone SE 2020 ડિઝાઇન સાથે આવે છે.

તેની અંદર એક નાનું ડિસ્પ્લે આપવામાં આવ્યું છે કે જે જાડા બેઝલ સાથે આવે છે. ફોનમાં હોમ બટન પણ ઉપલબ્ધ છે. સિંગલ રિયર અને સિંગલ ફ્રન્ટ કેમેરા ધરાવતો આ ફોન કંપનીનો નવો સસ્તો iPhone SE છે, જેમાં 5G સપોર્ટ ઉપલબ્ધ છે. આ સાથે જ તે બિલકુલ નવા iOS પર કામ કરે છે.

જાણો Apple iPhone SE 2022 ની કિંમત

Appleએ iPhone SE3 ને ત્રણ સ્ટોરેજ વિકલ્પોમાં લોન્ચ કરાયો છે. ગ્લોબલ માર્કેટમાં આ ડિવાઈસ 429 ડૉલર (લગભગ 33,000 રૂપિયા) ની કિંમતમાં લોન્ચ કરવામાં આવેલ છે. આ સાથે જ ભારતમાં તેની કિંમત 43,900 રૂપિયાથી શરૂ થાય છે. તમે તેને 64GB, 128GB અને 256GB સ્ટોરેજ વિકલ્પોમાં પણ ખરીદી શકો છો. હેન્ડસેટ midnight, starlight અને (PRODUCT) RED માં પણ ઉપલબ્ધ થશે.

iPhone SE 3 ની વિશેષતાઓ

આ સ્માર્ટફોન ગ્લાસ અને એલ્યુમિનિયમ ડિઝાઇન સાથે આવે છે. તેમાં 4.7 ઇંચની સ્ક્રીન આવેલી છે. ફોનમાં iPhone 13વાળી ગ્લાસ પ્રોટેક્શન ઉપલબ્ધ છે. તેમાં હોમ બટન પણ આપવામાં આવેલ છે કે જે ટચ આઈડી સાથે આવે છે. કંપનીના જણાવ્યાં અનુસાર, તેની બેટરી લાઈફમાં પણ ઘણો સુધારો કરવામાં આવ્યો છે. આ સ્માર્ટફોન 5G સપોર્ટ સાથે આવે છે.

ફોનમાં 12MP નો સિંગલ રિયર કેમેરા આવેલો છે. આ ડિવાઇસ iOS 15 પર કામ કરે છે. iPhone SE 2022 માં પણ તમને ચાર્જર નહીં મળે. તેમાં IP67 રેટિંગ મળશે. iPhone SE 3 ત્રણ કલર ઓપ્શનમાં લોન્ચ કરવામાં આવ્યો છે.

Some predictions for the coming new iPhone SE:
1. Mass production in Mar'22.
2. Estimated shipments of 25-30 mn units in 2022.
3. Storage: 64/128/256GB.
4. A15 & 5G support (mmW & Sub-6 GHz).
5. Casing: white, black, and red.
6. Similar form factor design to current SE.

— 郭明錤 (Ming-Chi Kuo) (@mingchikuo) March 4, 2022

iPhone SE (2022) ના કનેક્ટિવિટી ફીચર્સ વિશે વાત કરીએ તો, તેમાં 5G, 4G VoLTE, Wi-Fi 5, Bluetooth v5, GPS/A-GPS, NFC સાથે લાઈટનિંગ પોર્ટ છે. કંપનીના જણાવ્યાં અનુસાર, આ સ્માર્ટફોનનો ઉપયોગ દિવસભર કરી શકાય છે. તેમાં 13 કલાકનો વીડિયો પ્લેબેક ટાઇમ મળશે અને 40 કલાકનો ઓડિયો પ્લેબેક સમય માત્ર સિંગલ ચાર્જમાં મળશે. નવો iPhone SE Qi સ્ટાન્ડર્ડ વાયરલેસ ચાર્જિંગ સપોર્ટ સાથે આવે છે. તેમાં ફાસ્ટ વાયર્ડ ચાર્જિંગ પણ ઉપલબ્ધ છે.

લોન્ચ થયો નવો iPhone 13 સિરીઝનો નવો કલર વેરિઅન્ટ

iPhone SE 3 ની સાથે Apple એ iPhone 13 અને iPhone 13 Pro ના નવા કલર વેરિઅન્ટ આ ઈવેન્ટમાં લોન્ચ કર્યા છે. આ સ્માર્ટફોન હવે નવા ગ્રીન કલરમાં પણ ઉપલબ્ધ થશે. નવા વેરિઅન્ટનું વેચાણ તારીખ 18 માર્ચથી શરૂ થશે.