નિવેદન / આયુષ્માનનો ભાઇ આ એક્ટરને ડેટ પર કરવા માંગે છે, આ ક્વૉલિટી પર છે 'ફિદા '

જી હા, તમે વિચારી રહ્યા હશો કે આ શું ચાલી રહ્યુ છે તો અમે તમને જણાવી દઇએ કે વાસ્તવમાં અપારશક્તિ તાજેતરમાં એક ચેટ શોનો ભાગ બન્યો હતો, ત્યારે વાતચીત દરમિયાન તેણે સેમ સેક્સના કોઇ વ્યકિત સાથે રિલેશનશિપમાં રહેવુ પડે તો તે શાહિદ કપૂર સાથે ડેટ કરવાનું પસંદ કરશે. અપારશક્તિએ આગળ કહ્યુ કે, ''શાહિદની ડ્રેસિંગ સ્ટાઇલ ખૂબ જ સારી છે અને તેની બૉડી લેંગ્વેજ પર તે ફિદા છે.'' અપારશક્તિ અનુસાર, શાહિદ તેણે હજુ પણ 25 વર્ષનો લાગે છે.

આ સિવાય જ્યારે તેણે પૂછવામાં આવ્યુ કે  આલિયા ભટ્ટ અને કેટરિના કૈફ ડેટ પર જવા માટે પૂછે તો કોણું પ્રપોઝલ તે રિજેક્ટ કરશે. તો આ સવાલનો જવાબ આપતા કહ્યુ કે, ''હું આલિયા માટે કેટરિનાને રિજેક્ટ કરી દઇશ.''

ઉલ્લેખનીય છે કે, અપારશક્તિ આયુષ્માન ખુરાનાનો ભાઇ છે અને એક સફળ RJ પણ રહી ચૂક્યો છે. પરંતુ ઘણી વખત જ્યારે બંને ભાઇ વચ્ચે તુલના કરવામાં આવે છે. ભાઇ આયુષ્માન સાથે થયેલી સરખામણીનો જવાબ આપતા અપારશક્તિએ કહ્યુ કે, ''મને નથી લાગુતુ કે હું કોઇની બરાબરી કરી શકું, તેના માટે સરખામણીનો તો કોઇ સવાલ જ ઉભો થતો નથી. જો લોકો મને કહે કે હું આયુષ્માન જેવો દેખાવુ છું તો હા કેમકે અમે બંને ભાઇઓ છીએ અને જો કોઇ મને કહે કે મારો અવાજ પણ એવો જ છે તો હું તેને વખાણ તરીકે લઉ છું.''

વર્કફ્રન્ટની વાત કરવામાં આવે તો, કાર્તિક આર્યન અને ક્રિતિ સેનનની ફિલ્મ 'લુકાછુપી'માં જોવા મળ્યો હતો. આ પહેલા તે 'દંગલ', 'બદ્રીનાથ કી દુલ્હનિયા', 'હૈપી ફિર ભાગ જાયેગી' અને 'સ્ત્રી' માં કામ કરી ચૂક્યો છે.