બેદરકારી / રાજકોટ સિવિલ હોસ્પિટલનો બીજો એક વિડીયો વાયરલ, પીવાના પાણીમાં જીવાત સ્વાસ્થ્ય સાથે ચેડા

રાજકોટ સિવિલ હોસ્પિટલ ફરી એક વખત વિવાદમાં આવી છે. સતત બીજા દિવસે હોસ્પિટલનો વીડિયો વાયરલ થયો છે. સિવિલ હોસ્પિટલમાં વોટર કુલરમાં પીવાના પાણીમાં જીવાત જોવા મળી. વોટર કુલરના પાણીમાં જીવાત હોવાનો વીડિયો સોશિયલ મીડિયામાં વાયરલ થયો છે. આ વીડિયો વાયરલ થયા બાદ તંત્ર દ્વારા લોકોના આરોગ્ય સાથે ચેડા કરતુ હોવાનુ સામે આવ્યુ છે. મહત્વનુ છે કે, આ કુલરમાંથી સિવિલ હોસ્પિટલના દર્દીઓના પરિવારજનો પાણી પીતા હોય છે. પીવાના પાણીના કુલરની સફાઈ ન કરવામાં આવતી હોય તેવુ સામે આવ્યુ છે.