શિક્ષણ વિભાગ / અમરેલીમાં ઘો.10 અને 12 બોર્ડની એકમ કસોટીનું પેપર લીક લઈને શિક્ષણ અધિકારીની સ્પષ્ટતા, ખોટી અફવા પર ધ્યાન આપવું નહીં

• અમરેલીમાં ધો.10 અને 12નું પેપરલીક થયાની અફવા
• એકમ કસોટીનું પેપર લીક થયાની અફવા 
• જિલ્લા શિક્ષણ અધિકારીએ કર્યો ખુલાસો

અમરેલીમાં એકમ કસોટીનું પેપર લીક થવાની અફવા

ગુજરાતમાં પેપર ફૂટવું એક ગૌણ બાબત થઈ ગઈ છે. અત્યાર સુધી 10 એવી ભરતી પરીક્ષાઓ છે જેના પેપર ફુટ્યા છે. હેડક્લાર્ક પેપર લીક કાંડ બાદ સૌરાષ્ટ્ર યુનિ.નું બી કોમ સેમેસ્ટર 3નું પેપર લીક થયું હતું જે બંને પરીક્ષા રદ્દ કરવાની જાહેરાત કરી દેવામાં આવી છે. ત્યારે રાજ્યમાં વધુ એક પેપર કાંડના આક્ષેપ થઈ રહ્યા છે. જો કે અંતમાં તે અફવા સાબિત થઈ હતી.

જિલ્લા શિક્ષણ અધિકારીએ કર્યો ખુલાસો 

ઉલ્લેખનીય છે કે, અમરેલીના ઘોરણ 10 અને 12મી એકમ કસોટીનું પેપર સોશિયલ મિડીયામાં વાયરલ થયું છે.આ પેપર પરિક્ષાના આગળના દિવસે વાયરલ થયું હતું.જેમાં ધો.10નું સમાજિક વિજ્ઞાનનું 25 માર્કસનું પેપર હતું જ્યારે ધો.12નું મનોવિજ્ઞાનનું પેપર વાયરલ થયું હતું. જો કે, આ અંગે જિલ્લા શિક્ષણ અધિકારીએ ખુલાસો કરતાં આ વાત અફવા સાબિત થઈ હતી. જિલ્લા શિક્ષણ અધિકારીએ જણાવ્યું હતું કે, આ પેપર અમરેલી જિલ્લાનું નથી. આ પેપર યુથ વિદ્યાલય નામની સંસ્થાનું પેપર છે.  મહત્વનું છે કે, ગુજરાત માધ્યમિક અને ઉચ્ચતર માધ્યમિક શિક્ષણ બોર્ડ દ્વારા આ એકમ કસોટી લેવાય છે.