કોરોના વાયરસે દુનિયા આખાના લોકોને સંક્રમિત કરી દીધા છે અને કોરોનાનું સંક્રમણ વધતુ જ જાય છે. આ વૈશ્વિક મહામારીની દવા હજૂ સુધી શોધાઇ નથી ત્યાં ચીન તરફથી દુનિયાને એક પછી એક મુસિબતની ભેટ મળી રહી છે. કોરોના બાદ હવે એક નવો વાયરસ શોધાયો છે જે એક માણસથી બીજા માણસમાં ફેલાય છે. ચીનના વૈજ્ઞાનિકોએ સ્વાઇન ફ્લૂ G4 EA H1N1 શોધી કાઢ્યુ છે અને આ પણ કોરોનાની જેમ ખતરનાક સાબિત થઇ શકે છે.
ચીનમાં નવો વાયરસ શોધાયો
સુવરમાંથી ફેલાય છે આ ફ્લૂ
કોરોના જેટલો ખતરનાક છે સ્વાઇન ફ્લૂ
ચીનની કેટલીક યુનિવર્સિટી તેમજ ચીન સેંટર ઓફ ડિઝીઝ કંટ્રોલના વૈજ્ઞાનિકો અનુસાર આ ફ્લૂમાં તે દરેક લક્ષણ છે જે માણસોને બિમાર કરી શકે છે અને સંક્રમણ વધારી શકે છે. આ ફ્લૂના સંપર્કમાં આવનાર લોકોને પહેલા ખાંસી, શરદી અને તાવ જેવા લક્ષણો દેખાય છે બાદમાં બીજા માણસોમાં પણ આ ફ્લૂ ફેલાઇ શકે છે. માણસો માટે સ્વાઇન ફ્લૂ ખુબ જ નુકસાનકારક સાબિત થઇ શકે છે.
ચીની વૈજ્ઞાનિકોએ 2011 થી 2018 સુધી આ વાયરસ પર રિચર્ચ કર્યુ છે અને ચીનના 10 રાજ્યોના 30 હજાર સુવરોના સેમ્પલ લીધા છે. જેનાથી ખબર પડી છે કે ચીનમાં 179 જેટલા વાયરસ છે, જેમાં આ જી4 વાયરસ ખતરનાક વાયરસ છે અને માણસોને નુકસાન પહોંચાડી શકે છે.
જી4 જો ફેલાશે તો તે પણ કોરોનાની જેમ થોડા જ સમયમાં વૈશ્વિક મહામારીનુ રૂપ લઇ લેશે. ચીનમાં સુવરોના ફાર્મમાં કામ કરનારા લોકોમાં પણ આ વાયરસ જોવા મળ્યો છે. જો આ વાયરસ ફેલાશે તો ચીનની 4.4 ટકા આબાદી સંક્રમિત થઇ જશે. જો આ ફ્લૂ ફેલાશે તો કોરોના કરતા પણ મોટી મહામારી લાવશે.