નિર્લજ્જ / સુરતમાં લંપટ આચાર્ય નિશાંત વ્યાસનો વધુ એક ભાંડો ફૂટ્યો ! તપાસ સમિતિએ દાખલ કર્યો ગુનો

• પુણા નગર પ્રાથમિક શિક્ષણ સમિતિનો લપંટ આચાર્ય
• નિશાંત વ્યાસની ધરપકડ બાદ વધુ એક ગુનો દાખલ
• વીડિયોના આધારે હવસખોર આચાર્યની કરતૂત આવી સામે 

ગુરુ શિષ્યના પવિત્ર સંબંધને લાંછન લગાડનાર સુરતના શાળાના આચાર્યની વધુ એક કરતૂત સામે આવી છે.  હવસખોર પ્રિન્સિપાલ નિશાંત વ્યાસની ધરપકડ બાદ વધુ એક ગુનો દાખલ કરાયો છે. સૃષ્ટિ વિરૂદ્ધનુ કૃત્ય લપંટ આચાર્યએ આચર્યુ હોવાનો તપાસ સમિતિએ આચાર્ય વિરૂદ્ધ ગુનો દાખલ કર્યો છે. વીડિયોના આધારે તપાસ સમિતિ તપાસ કરી રહી હતી ત્યારે 17 વર્ષનો એક વિદ્યાર્થીનો એક કિસ્સો સામે આવ્યો હતો.  વિદ્યાર્થી છોકરી સાથે વાત કરતો હોવાનું આચાર્યએ જોયા બાદ વિદ્યાર્થીને બોલાવી તેની સાથે ગંદી હરકત કરાવી હતી. વિદ્યાર્થી સાથે 4 થી 5 વખત કૃત્યુ કર્યું હોવાનું સામે આવ્યું  તેમજ નિશાંત વ્યાસે અન્ય 5થી 6 જેટલા વિદ્યાર્થીઓ સાથે કૃત્ય કર્યું હોવાનો ઘટસ્ફોટ થયો છે. હાલ તપાસમાં સમિતિ સમક્ષ આવા 4 વિદ્યાર્થીઓ આવ્યા છે.

ગઇકાલે આચાર્યની કરવામાં આવી ધરપકડ

ઉલ્લેખનીય છે કે   પુણાની નગર પ્રાથમિક શિક્ષણ સમિતિની શાળામાં 14 વર્ષના વિદ્યાર્થી સાથે પ્રિન્સિપાલે વર્ષ 2018માં જાતીય સતામણી કરી હતી. જે બાબતે વાલીઓએ તંત્રને અનેક વખત રજૂઆતો કરી હતી. પરંતુ તંત્રએ માત્ર આચાર્યને સસ્પેન્ડ કરીને સંતોષ માન્યો હતો. જો કે આ મામલો મીડિયામાં આવતા ફરિયાદ દાખલ કરીને આચાર્યની ધરપકડ કરવામાં આવી છે. 

આચાર્ય વિદ્યાર્થીઓનું કરતો હતો શારિરીક શોષણ

સુરતની નગરપ્રાથમિક શિક્ષણ સમિતિની શાળા પર ગંભીર આરોપ લાગ્યા હતા.  જેમાં શાળાના આચાર્ય વિદ્યાર્થીનું શારીરિક શોષણ કરતા હોય તેવો વીડિયો સામે  આવ્યો હતો. જેમાં આચાર્ય નિશાંત વ્યાસે તેની ઓફિસની અંદર પહેલા 14 વર્ષના વિદ્યાર્થીને બોલાવી કપડાં ઉતારી વીડિયો ઉતાર્યો હતો. આ બાદ અન્ય 5 થી 7 વિદ્યાર્થી સાથે પણ જાતીય શોષણ કર્યું હતું. વીડિયો મીડિયામાં આવતા આચાર્ય ઘરેથી ભાગી ગયો હતો. જે બાદ કોઈ સંબંધીને મળવા સુરત આવ્યો હોવાની બાતમી મળતા પોલીસે ચોકઠું ગોઠવી તેની ધરપકડ કરી લીધી હતી. તંત્રએ માત્ર તપાસ સમિતિ રચી સંતોષ માની લીધો હતો. જો કે આ મામલે  વાલીઓએ પોલીસ ફરિયાદ કરતા 31 જુલાઇએ આચાર્યની ધરપકડ કરવામાં આવી હતી.