સુશાંત સિંહ રાજપૂત અને અંકિતા લોખંડે ટીવી સીરિયલ 'પવિત્ર રિશ્તા'માં સાથે કામ કર્યું હતું. કહેવાય છે કે આ બંને 6 વર્ષ સુધી રિલેશનશિપમાં હતા. એક સમય એવો હતો જ્યારે બંને લગ્ન કરવાનું પણ વિચારતા હતા. હવે પવિત્ર રિશ્તાના સેટનો એક વીડિયો વાયરલ થઈ રહ્યો છે. આ વીડિયો તે સમયનો છે જ્યારે સુશાંત સિંહ રાજપૂત છેલ્લીવાર 'પવિત્ર રિશ્તા'ના સેટ પર જોવા મળ્યો હતો અને તેને જોઈને અંકિતા લોખંડે તેને ભેટી પડી હતી.
સુશાંત અને અંકિતાની આ તસવીર પર અંકિતાનો ઓડિયો વાયરલ થઈ રહ્યો છે. ઓડિયોમાં અંકિતાથી પૂછવામાં આવ્યું છે કે, તે છેલ્લીવાર સુશાંતને શું સંદેશ આપવામાં માંગે છે. જેના પર ઈમોશનલ થઈને અંકિતા કહે છે કે-હું સુશાંતને એટલું જ કહીશ કે, તેને બહુ બધાં લોકો પ્રેમ કરે છે અને તેના માટે આખો દેશ ઊભો છે. તમારે બસ હાથ આગળ વધારવાનો છે અને તમારી પાસે બોલાવાનો છે અને તે આવી જશે. તમને જણાવી દઈએ કે, હાલમાં અંકિતાએ એક ઈન્ટરવ્યૂ દરમિયાન આ વાતો કહી હતી.
સુશાંત સિંહ રાજપૂત અને અંકિતા લોખંડેનો આ વીડિયો સુશાંતના ફેન પેજ પરથી ઇન્સ્ટાગ્રામ પર શેર કરવામાં આવ્યો છે. ફેન્સ આ વીડિયો પર ખૂબ પ્રતિક્રિયા આપી રહ્યા છે. સુશાંત સિંહ રાજપૂત 14 જૂનના રોજ તેના બાંદ્રાના ફ્લેટમાં મૃત હાલતમાં મળી આવ્યો હતો. ત્યારબાદથી તેના ફેન્સ સતત સીબીઆઈ તપાસની માંગ કરી રહ્યા હતા. અભિનેત્રી અંકિતા લોખંડેએ પણ તેના ઇન્સ્ટાગ્રામ એકાઉન્ટથી ન્યાયની અપીલ કરી હતી.