આ વર્ષે ઘણા સેલેબ્સના લગ્નની અફવાઓ આવી રહી છે ત્યારે અંકિતા લોખંડે અને બોયફ્રેન્ડ વિક્કી જૈન પણ આ વર્ષે જ લગ્ન કરવા જઇ રહ્યાં છે. તેમના લગ્નની તારીખ પણ સામે આવી ગઇ છે.
અંકિતા લોખંડે આ વર્ષે પરણી જશે
વિકી જૈન સાથે લગ્નની તારીખો આવી સામે
ચારે બાજુ અંકિતાના લગ્નની ચર્ચાઓ
લગ્નની ચર્ચા ચારેબાજુ
થોડા સમયથી કેટલાક કપલના નામ સામે આવી રહ્યાં છે જે નવેમ્બર-ડિસેમ્બરમાં લગ્ન કરી શકે છે. તે લિસ્ટમાં હવે એક બીજુ નામ પણ જોડાવા જઇ રહ્યું છે. કહેવામાં આવી રહ્યું છે કે એક્ટ્રેસ અંકિતા લોખંડે તેના બોયફ્રેન્ડ વિક્કી જૈન સાથે લગ્ન કરવા જઇ રહી છે.
એક રિપોર્ટ અનુસાર અંકિતા અને વિક્કી 12-14 ડિસેમ્બર લગ્ન કરશે. આ સમાચારના કારણે ફેન્સમાં ખુશીની લહેર છવાઇ ગઇ છે. અંકિતાના લગ્નને લઇને ફેન્સ ઉત્સાહમાં છે.
અંકિતાનો વીડિયો થયો હતો વાયરલ
સુશાંતની મોતના થોડા દિવસ બાદ અંકિતાનો એક વીડિયો વાયરલ થયો હતો. જેમાં તે સાડી પહેરીને ડાન્સ કરી રહી હતી અને અદાઓ બતાવી રહી હતી. ત્યારે લોકોએ તેને જબરી ટ્રોલ કરી હતી. સુશાંત માટે લોકો ન્યાયની માંગણી કરી રહ્યાં હતા ત્યારે અંકિતા સાડીમાં ડાન્સ કરી રહી હતી.
લોકોએ કરી ટ્રોલ
વીડિયો આવ્યા બાદ લોકોએ અંકિતાને ટ્રોલ કરવાની શરૂઆત કરી હતી. સુશાંત અને અંકિતા લગભગ 7 વર્ષ સુધી રિલેશનશીપમાં હતા. ત્યારે એક યુઝરે લખ્યુ કે, કોઇ પોતાના 7 વર્ષ જુના પ્રેમને કેવી રીતે ભૂલી શકે. તારાથી સારા તો સુશાંતના ફેન્સ છે જે તેને હજી પણ ભૂલી નથી શક્યા.