કેન્દ્ર સરકારના પશુપાલન વિભાગે લોકોને 14 ફેબ્રુઆરીએ કાઉ હગ ડે ઉજવવાની અપીલ કરી છે.
14 ફેબ્રુઆરીએ ઉજવાશે વેલેન્ટાઈન ડે
7 થી 14 ફેબ્રુઆરી, એક વીક ઉજવાય છે ડે
સરકારે 14 ફેબ્રુઆરીએ કાઉ હગ ડે ઉજવવાની કરી અપીલ
ગાય આપણી માતા છે અને તે હિસાબે તે સન્માનની અધિકારી છે. 14 ફેબ્રુઆરીએ ખૂબ ધામધૂમથી દેશમાં પ્રેમનો દિવસ વેલેન્ટાઈન ડે ઉજવાશે. આ દિવસે લોકો મન મૂકીને પોતાના પ્યારનો એકરાર કરે છે. પરંતુ હવે કેન્દ્ર સરકારે લોકો એક ખાસ અપીલ કરી છે. વેલેન્ટાઈન દિવસે જો પ્રેમિકાની સાથે ગાયને પણ ભેટવામાં આવે તો વધારે સારુ છે અને સરકારની ઈચ્છા છે કે ગાય પ્રેમીઓ ગાયને ભેટીને આવો દિવસ મનાવે અને તેનું યોગ્ય સન્માન આપે.
ગાય પ્રેમીઓ બનાવે કાઉ હગ ડે
કેન્દ્રના પશુપાલન વિભાગે લોકોને લોકોને 14 ફેબ્રુઆરીએ કાઉ હગ (ગાયને આલિંગન આપવું) ડે ઉજવવાની અપીલ કરી છે. મંત્રાલયે દ્વારા એક પ્રેસ રિલિઝ જાહેર કરીને લોકોને કાઉ હગ ડે ઉજવવાની અપીલ કરાઈ છે. પ્રેસ રિલિઝમાં જણાવાયું છે કે ગાયના અપાર લાભને ધ્યાનમાં રાખીને, ગાયને ગળે લગાડવાથી ભાવનાત્મક સમૃદ્ધિ આવશે અને તેથી આપણું વ્યક્તિગત અને સામૂહિક સુખ વધશે. તેથી, તમામ ગાય પ્રેમીઓ પણ માતા ગાયના મહત્વને ધ્યાનમાં રાખીને 14 ફેબ્રુઆરીને ગાય આલિંગન દિવસ તરીકે ઉજવે અને જીવનને સુખી અને સકારાત્મક ઊર્જાથી ભરેલું બનાવે.
ગાયને ભેટવાથી થતા ફાયદા પણ જણાવાયા
પશુપાલન અને ડેરી વિભાગે ગાયને ભેટવાના ફાયદા પણ ગણાવ્યાં છે. તેમનું કહેવું છે કે ગાય લોકોમાં પોઝિટીવ ઊર્જાનો સંચાર કરે છે. તે ઉપરાંત લોકોમાં સમૃદ્ધિ-સુખ-શાંતિના પણ દ્વાર ખોલે છે.
7થી 14 ફેબ્રુઆરી સુધી ઉજવાય છે વેલેન્ટાઈન વીક
ઉલ્લેખનીય છે કે દેશ-દુનિયામાં 7 થી 14 ફેબ્રુઆરીની વચ્ચે વેલેન્ટાઈન વીક ઉજવાય છે તેમા પહેલા દિવસે રોઝ ડે, બીજો દિવસ, પ્રપોઝલ, ત્રીજો દિવસ ચોકલેટ ડે, ચોથો ટેડી ડે, પાંચમો પ્રોમિસ ડે, છઠ્ઠો આલિંગન ડે, સાતમો પ્રેમનો એકકાર ઉજવાય છે.