બિઝનેસ / મહારાષ્ટ્રના રાજકીય ખેલ પર આનંદ મહિન્દ્રાએ શેર કર્યો 'કબડ્ડી...કબડ્ડી' વીડિયો

• મહારાષ્ટ્રમાં મહાસંગ્રામ યથાવત્ આવતી કાલે સુપ્રીમ કોર્ટમાં ફરી સુનાવણી 
• સોશિયલ મીડિયામાં લોકોએ વાયરલ કર્યા વિડીયો
• આનંદ મહિન્દ્રાએ કબડ્ડીની રમતનો એક વિડીયો શેર કર્યો 

આ વિડીયોમાં તે સંદેશ મળે છે કે મુશ્કેલીના સમયમાં વિફળતાને સફળતામાં કઈ રીતે ફેરવી શકાય 

મહારષ્ટ્રની રાજનીતિમાં રાતોરાત ઉલટફેર થઇ ગયો. ન માત્ર મહારાષ્ટ્ર સમગ્ર દેશમાં ખળભળાટ મચી ગયો હતો. બધા લોકોએ સોશિયલ મીડિયામાં રમુજી પોસ્ટ કરીને મજા લીધી હતી ત્યારે આનંદ મહિન્દ્રાએ પણ એક રોમાંચક વિડીયો શેર કર્યો હતો જે સોશિયલ મીડિયામાં ખુબ વાયરલ થઇ  રહ્યો છે.  મહિન્દ્રા એન્ડ મહિન્દ્રા ગ્રુપના ચેરમેન આનંદ મહિન્દ્રાએ કબડ્ડીની રમતનો એક વિડીયો શેર કર્યો છે. આ વિડીયોમાં તે સંદેશ મળે છે કે મુશ્કેલીના સમયમાં વિફળતાને સફળતામાં કઈ રીતે ફેરવી શકાય છે. 

Remember this video I had tweeted? Can you think of any more appropriate way to describe what just happened in Maharashtra? 🤔 https://t.co/IEnCtoyKAG

— anand mahindra (@anandmahindra) November 23, 2019

એક ખેલાડી જ બાજી પલટી શકે છે

મહિન્દ્રાએ વિડીયોની સાથે કહ્યું કે શું તમને લાગે છે કે મહારષ્ટ્રમાં જે થયું તે સમજાવવા માટે બીજું કોઈ જોવાની જરૂર છે. ઉલ્લેખનીય છે કે એક ખેલાડીને પકડવા જતા આખી બાજી કઈ રીતે પલટાઈ શકે છે.નોંધનીય છે કે આનંદ મહિન્દ્રા સોશિયલ મીડિયામાં સૌથી સક્રિય કારોબારી છે. એટલું જ નહીં પરંતુ અવનવી પોસ્ટ કરવા માટે પણ તેઓ પ્રખ્યાત છે જેથી તેઓ યુઝર્સમાં ખુબ લોકપ્રિય પણ છે. ટ્વિટર પર તેમના લગભગ 73 લાખ 32 હજાર ફોલોઅર્સ છે. 

વડાપ્રધાને પવાર-ફડણવીસને આપી શુભેચ્છા 

વડાપ્રધાન નરેન્દ્ર મોદીએ મહરાષ્ટ્રનાં મુખ્યમંત્રી અને ઉપમુખ્યમંત્રી બનવા પર દેવેન્દ્ર ફડણવીસ અને અજીત પવારને શુભેચ્છાઓ આપી હતી. સાથે જ કહ્યું કે મને પૂરો વિશ્વાસ છે કે મહારાષ્ટ્રના ઉજ્જવળ ભવિષ્ય માટે સારું કામ કરશો ફડણવીસ અને પવાર બંનેએ આભાર પણ વ્યક્ત કર્યો હતો. 

સોશિયલ મીડિયામાં વિવિધ વિડીયો વાયરલ 

જ્યારે મહારષ્ટ્રમાં ભાજપની સરકાર બની ગયી તે બાદ જાને સોશિયલ મીડિયા યુઝર્સને એક મોટો મુદ્દો મળી ગયો હોય તેમ  ટ્વિટર, ઈન્સ્ટાગ્રામ અને ટીકટોક જેવા સોશિયલ મીડિયા પ્લેટફોર્મ પર વિવિધ વિડીયો વાયરલ કરીને મહરાષ્ટ્રની રાજનીતિક પાર્ટીઓની મજાક ઉડાવવામાં આવી હતી.વિવિધ યુઝર્સ દ્વારા વિડીયો બનાવીને વાયરલ કરવામાં આવી રહ્યા છે. ઉલ્લેખનીય છે કે મહારષ્ટ્રમાં છેલ્લા એક મહિનાથી મહારષ્ટ્રમાં મહાસંગ્રામ યથાવત છે. 

રાખી સાવંત પણ ખુબ વાયરલ 

આનંદ મહિન્દ્રાની સાથે સાથે રાખી સાવંતનો એક વિડીયો પણ ખુબ વાયરલ થઇ રહ્યો છે. જેમાં તે શરદ પવાર અને ઉદ્ધવ ઠાકરેને કહે છે કે આ તક ફરીથી નહીં આવે જેથી વહેલામાં વહેલી તકે સરકારનું ગઠન કરવું જોઈએ. તેમણે વધુમાં કહ્યું હતું કે જો મોદીજી અહીં આવી જશે તો કોઈને મોકો નહી મળે. ઉલ્લેખનીય છે કે રાખીએ આ વિડીયો શુક્રવારે પોસ્ટ કર્યો અને શનિવારે ભાજપે પોતાની સરકાર બનાવી દીધી. જે બાદ હવે સોશિયલ મીડિયામાં આ વિડીયો ખુબ વાયરલ થઇ રહ્યો છે