VIDEO / 'રામ રાખે તેને કોણ ચાખે'- વાપીમાં નવજાત બાળકની કરમ કહાણી, તમારી આંખો ભીની કરશે

• વાપીમાં નિષ્ઠુર માતા
• નવજાત બાળકનો કબ્જો લેવાયો
• પોલીસે તપાસ હાથ ધરી

વરસતા વરસાદમાં વાપી GIDCના જે ટાઇપ વિસ્તારમાં એક ઝાડ નીચે એક નવજાત બાળક દેખાતા સ્થાનિક લોકોએ પોલીસને જાણ કરી હતી.. જાણ થતાં જ વાપી GIDC પોલીસનો કાફલો સ્થળ પર પહોંચ્યો હતો. અને નવજાત બાળકનો કબજો લઇ અને ત્યારબાદ 108ને જાણ કરવામાં આવી હતી.

 આ ઘટનાની જાણ થતા 108  એમ્બ્યુલન્સ પણ સ્થળ પર પહોંચી હતી. અને પોલીસે મહિલા કોન્સ્ટેબલની દેખરેખમાં નવજાત બાળકને વાપીના ચલા PHC પર ખસેડવામાં આવ્યું હતું. માસૂમને ત્યજી  દેનાર અને જનેતા  પર લોકોએ ફિટકાર વરસાવી રહ્યા છે. જોકે અત્યારે તો પોલીસે બાળકને સારવાર કરાવવા સહિતની આગળની કાર્યવાહી હાથ ધરી છે.
 

આ મામલે લોકોમાં જાતભાતના તર્કવિતર્ક વહેતા થયાં હતા. માસૂમને વરસતા વરસાદમાં આમ ત્યજી દેતા જનેતાનો જીવ શે ચાલ્યો હશે? તો વળી કેટલાક લોકોનું કહેવું હતુ કે જનેતાને તો ખબર પણ નહીં હોય કોઈ વેરી એના બાળકને છીનવીને મુકી ગયું હશે તો? જે હોય તે પણ હાલ તો આ બાળકને મહિલા કોન્સ્ટેબલ જશોદાની જેમ જતન કરતા દેખાઈ રહ્યા છે.