Tuesday, August 20, 2019
સબસ્ક્રાઈબ કરો VTVGujarati ન્યુઝ Whatsapp

વેચાણ / અમૂલ આવતા અઠવાડિયાથી દેશભરમાં વેચશે ઉંટડીનું દૂધ

અમૂલ આવતા અઠવાડિયાથી દેશભરમાં વેચશે ઉંટડીનું દૂધ

ગુજરાત કૉ-ઓપરેટિવ મિલ્ક માર્કેટિંગ ફેડરેશન લિમિટેડ (GCMMF)એ આ વર્ષે જાન્યુઆરીમાં પહેલી વખત અમૂલ બ્રાન્ડ હેઠળ ઉંટનું દૂધ અમદાવાદમાં બજારમાં વેચવાનું શરૂ કર્યુ હતુ.

આ દૂધને લઇને સારી પ્રતિક્રિયા મળતા અમૂલ આગામી અઠવાડિયાથી દેશભરમા વેચાણ શરૂ કરશે. હાલમાં અમૂલ કચ્થની બોર્ડર સ્થિત ડેયરીના માધ્યમથી ત્યાંના ઉંટ પાલકોથી દરરોજ 2000 લિટર દૂધ ખરીદી રહ્યુ છે, જેમાં ચોકલેટ પણ બનાવવામાં આવે છે.

અમૂલ ફેડરેશનના મેનેજિંગ ડિરેક્ટર અનુસાર, હવે અમે દેશભરમાં ઉંટનું દૂધ વેચાણ શરૂ કરવા જઇ રહ્યા છે અને અમને આશા છે કે દરરોજ 10000 લિટર દૂધનું વેચાશે. ઉંટનું દૂધ ભેગુ કરવા માટે ભૂજની સ્વૈચ્છિક સંસ્થા સહજીવનમ અને કચ્છ જિલ્લા સહકારી દુધ ઉત્પાદક સંઘના માધ્યમથી ઉંટ પાલકોને સંગઠિત કરવામાં આવ્યા છે.

અમૂલ ઉંટના દૂધની લોન્ચિંગ પહેલા ઉંટડીના દૂધની ચોકલેટ માર્કેટમાં વેચતુ હતુ, જેને સારો પ્રતિસાદ મળતા હવે અમૂલ ફ્લેવર્ડ દૂધ બજારમાં લાવવાની યોજના કરી રહ્યુ છે.

કચ્છની બોર્ડર પર ડેરીના ચેરમેન જણાવ્યું હતુ કે, ઊંટડીના દુધની સેલ્ફ લાઈફ સામાન્ય પેકિંગમાં 4 દિવસની છે. હવે અત્યારે તેણે સમગ્ર દેશમાં પહોચાડવાની તૈયારીઓ ચાલે છે તો તેની સેલ્ફ લાઈફ વધારવા માટે ટેટ્રા પેકમાં વેચાણ શરૂ કરવામાં આવશે, જેનાથી ઊંટડીનું દુધ 80 દિવસ સુધી વપરાશમાં લઇ શકાશે.

ઉંટનું દૂધ પચવામાં સરળ હોય છે અને તેના ઘણા લાભ છે, જેમાં ઈન્સ્યુલીન જેવા પ્રોટીનનું ઉંચુ પ્રમાણ તેને ડાયાબિટીક દર્દી માટે લાભદાયી બનાવે છે. ઉંટનું દૂધ હજારો વર્ષથી વિવિધ સંસ્કૃતિઓમાં ઉપયોગમાં લેવાતુ આવ્યું છે. આરોગ્યના વિવિધ લાભ ધરાવતા આ દૂધને કારણે બજારમાં એક નવું ક્ષેત્ર ખૂલ્યું છે.

રાજસ્થાનના બીકાનેરની કંપની આદવિક ફૂડ્સ એન્ડ પ્રોડક્ટસ પ્રાઇવેટ લિમિટેડ છેલ્લા ઘણા સમયથી ઉંટનુ દૂધના વેચાણમાં સક્રિય છે. આ કંપનીએ 2017ની શરૂથી રાજસ્થાનના ઉંટ ઉછેરતા ખેડૂતો પાસેથી દૂધ લે છે અને તેના ઉત્પાદનોનું ઓનલાઇન વેચાણ પણ થઈ છે.

જોવા જેવું વધુ જુઓ

બ્રેકિંગ ન્યૂઝ