બોલિવૂડના જાણીતા અભિનેતા અમિતાભ બચ્ચન કોરોના વાયરસને માત આપીને પોતાના ઘરે પરત આવી ચૂક્યા છે. તેઓ સોશ્યિલ મીડિયા પર પોતાના ફેન્સની સાથે પણ સતત જોડાયેલા રહે છે. ઉલ્લેખનીય છે કે અમિતાભ બચ્ચન અને અભિષેક બચ્ચન કોરોનાના સામાન્ય લક્ષણોના કારણે એકસાથે નાણાવટી હોસ્પિટલમાં એડમિટ થયા હતા. બિગ બી તો ઘરે આવી ચૂક્યા છે પરંતુ 26 દિવસ બાદ પણ અભિષેક હોસ્પિટલમાં છે. તેઓએ ઈન્સ્ટાગ્રામ પર પોતાનો 26મા દિવસનો મેડિકલ ચાર્ટ શેર કર્યો છે. તેમાં તેમની રજાની કોઈ વાત કરવામાં આવી નથી. એવામાં દીકરાનું મનોબળ વધારવા માટે અમિતાભ બચ્ચને પિતા હરિવંશ રાય બચ્ચન દ્વારા લખેલી એક કવિતા શેર કરી છે. જેમાં તેઓએ કહ્યું કે ધનુષ ઉઠાવીને પ્રહાર કર.
અભિષેક બચ્ચનનો જોશ અમિતાભે વધાર્યો
પિતા હરિવંશ રાય બચ્ચનની કવિતા કરી શેર
અમિતાભે કહ્યું ધનુષ ઉઠાવીને પ્રહાર કર, પોસ્ટ થઈ વાયરલ
અમિતાભ બચ્ચને પોતાના ઈન્સ્ટાગ્રામ એકાઉન્ટથી એક ફોટો શેર કર્યો છે. જેમાં તેઓ અભિષેક બચ્ચનની સાથે જોવા મળી રહ્યા છે. આ ફોટોમાં અમિતાભ બચ્ચન કોરોના વાયરસને કિક મારતા જોવા મળે છે. ફોટો શેર કરતાં અમિતાભ બચ્ચને લખ્યું છે કે...
ધનુષ ઉઠા, પ્રહાર કર.
તૂ સબસે પહેલા વાર કર,
અગ્નિ સી ધધક હિરન સી સજગ સજગ સિંહ સી દહડ કર,
શંખ સી પુકાર કર,
રુકે ન તુ,
થકે ન તુ,
ઝૂકે ન તુ,
થમે ન તુ.
અહીં આપને જણાવી દઈએ કે અભિષેક બચ્ચને પોતાના ઈન્સ્ટાગ્રામ એકાઉન્ટ પર 26મા દિવસનો મેડિકલ ચાર્ટ શેક કરતાં લખ્યું છે કે હગોસ્પિટલનો 26મો દિવસઃ 26, ડિસ્ચાર્જ પ્લાનઃ નો. કમઓન બચ્ચન, તુમ કર સકતે હો.
ઉલ્લેખનીય છે કે ગઈ 11 જુલાઈ 2020ના રોજ અમિતાભ બચ્ચન કોરોના પોઝિટિવ આવ્યા હતા. તેમના પોઝિટિવ આવ્યા બાદ ઘરના દરેક સભ્યોનો ટેસ્ટ કરવામાં આવ્યો. તેમાં અભિષેક બચ્ચન, ઐશ્વર્યા રાય બચ્ચન અને આરાધ્યા બચ્ચન કોરોના પોઝિટિવ આવ્યા હતા. આ વાતની જાણકારી પણ અભિષેક બચ્ચન અને અમિતાભ બચ્ચને આપી સોશ્યિલ મીડિયાથી આપી હતી. થોડા દિવસો પહેલાં ઐશ્વર્યા રાય અને આરાધ્યા બચ્ચનનો રિપોર્ટ નેગેટિવ આવ્યો અને તેમને હોસ્પિટલમાંથી રજા આપી દીધી હતી. ત્યારબાદ અમિતાભ બચ્ચને પણ કોરોનાની જંગ જીતી લીધી હતી.