#BoycottChina / ચીનને વધુ એક ઝટકો આપી શકે છે ભારત, 5G પર મોદી સરકારના વરિષ્ઠ મંત્રીઓની થઈ બેઠક

• હ્યુવૈને 5 જી ટ્રાયલમાં ભાગ લેવાની મંજૂરી આપવામાં આવી હતી
• ભારતમાં 5 જીની હરાજી હાલમાં એક વર્ષ માટે મોકૂફ છે
• બદલાતા વાતાવરણમાં હ્યુવૈ માટે આ માર્ગ મુશ્કેલ બનશે

ગયા વર્ષે ભારતમાં હ્યુવૈને 5 જી ટ્રાયલમાં ભાગ લેવાની મંજૂરી આપવામાં આવી હતી. પરંતુ યુએસ આ ચીની કંપનીને બહાર રાખવા માટે અન્ય દેશો પર દબાણ લાવી રહ્યું છે. ભારતમાં 5 જીની હરાજી હાલમાં એક વર્ષ માટે મોકૂફ છે. અમેરિકામાં મે 2021 સુધી હ્યુવૈ ઉત્પાદનો પર પ્રતિબંધ મૂકવામાં આવ્યો છે. જે સિંગાપોરની 5 જી રેસમાંથી હ્યુવૈ બહાર થઈ ગયું છે. નોકિયા અને એરિક્સનને ત્યાં તક મળી.

ભારતમાં હ્યુવૈનો વિરોધ કરવામાં આવી રહ્યો છે કારણ કે તેના સ્થાપકનો પીએલએ સાથે સંબંધ હોવાનું મનાઈ રહ્યું છે. સરહદ વિવાદ બાદ દેશમાં બદલાતા વાતાવરણમાં હ્યુવૈ માટે આ માર્ગ મુશ્કેલ બનશે. વરિષ્ઠ મંત્રીઓની બેઠકમાં લીધેલા નિર્ણય અંગે હાલમાં કોઈ માહિતી મળી નથી. ભારતમાં સુરક્ષાના કારણોસર હ્યુવૈ અંગે ચિંતા ઉભી કરવામાં આવી છે. અમેરિકા અને ઓસ્ટ્રેલિયામાં સુરક્ષાના કારણોસર હ્યુવૈને ટ્રાયલમાંથી બાકાત રાખવામાં આવ્યું હતુ.

આ અગાઉ સરકારે ચીનમાં મોટો ફટકો આપતા ભારતમાં 59 ચાઇનીઝ એપ્સ પર પ્રતિબંધ મૂક્યો છે. જેમાં ટિકટોક, યુસી બ્રાઉઝર, વીચેટ, શેરલાઈટ અને કેમ સ્ક્રેનરનો સમાવેશ થયો છે. 

સરકારના નિવેદનમાં કહેવામાં આવ્યું છે કે ઉપલબ્ધ માહિતી અનુસાર આ એપ્સ  તેવી પ્રવૃત્તિઓમાં લાગેલા છે જે ભારતની સાર્વભૌમત્વ અને અખંડિતતા, સુરક્ષા, રાજ્યની સલામતી અને જાહેર વ્યવસ્થા માટે જોખમી છે.