ઉતરાયણના પર્વે સેલિબ્રિટીથી માંડીને રાજનેતા પણ પતંગોત્સવની મોજ માણી રહ્યાં છે. ગૃહમંત્રી અમિત શાહે ઉત્તરાયણને લઇને ગુજરાત પ્રવાસે છે. ત્યારે અમિત શાહે અમદાવાદના કનકકલા ફ્લેટમાં તેમણે પતંગ ચગાવી હતી. આ દરમિયાન તેમણે બે પતંગો કાપી હતી બાદમાં તેમની પણ કપાઇ હતી.
અમિત શાહે અમદાવાદમાં ઉત્તરાયણની કરી ઉજવણી
કનકકલા ફ્લેટ પરથી ચગાવી પતંગ
પરિવાર અને કાર્યકર્તાઓ સાથે માણી ઉત્તરાયણની મજા
ગૃહમંત્રી અમિત શાહે અમદાવાદના સેટેલાઇટ વિસ્તારમાં આનંદનગરના કનકકલા ફ્લેટના ધાબા પરથી પતંગ ચગાવી હતી. અહીં તેમના પત્ની સોનલ શાહે પણ ઉત્તરાયણ ઉજવી હતી. ભાજપ પ્રદેશ પ્રમુખ જીતુ વાઘાણી, ઋત્વિજ પટેલ સહિતના કાર્યકર્તાઓ હાજર રહ્યા હતા. ભાજપના કાર્યકર્તા સાથે પતંગ ચગાવવાનો કાર્યક્રમ યોજાયો હતો. ત્યારે મોટી સંખ્યામાં ભાજપના કાર્યકર્તાઓ એકત્ર થયા હતા. આસપાસના બિલ્ડિંગો પરના લોકોનું અભિવાદન જીલ્યું હતું. આ દરમિયાન CAAના સમર્થનમાં નારા પણ લાગ્યા હતા.
અમિત શાહે આ દરમિયાન બે જેટલી પતંગ કાપી હતી. બાદમાં તેમની પણ કપાઇ હતી. તેઓ અહીં ખુશ મિજાજમાં જોવા મળ્યા હતા. મહત્વનું છે કે, ત્યાર બાદ તેઓ પોતાના નિવાસ્થાને જવા રવાના થયા હતા. જેઓ ત્યાં જ રોકાવાના છે. બીજી તરફ મુખ્યમંત્રી વિજય રૂપાણીએ પણ અમદાવાદ બાદ રાજકોટમાં પતંગ ચગાવી હતી.