સ્ટાર્ટ-અપ કીટલી / આ 2 ગુજરાતી યુવકોએ એવી સાઈટ બનાવી કે આજે કમાય છે 3.5 કરોડ રૂપિયા

AllEvents.in (ઑલ ઈવેન્ટ્સ ડોટ ઈન) - આ નામ ઈન્ટરનેટના મોટાભાગના યુઝર્સ માટે નવું નહીં હોય. પોતાના શહેરમાં કઈ ઈવેન્ટ આજે થઈ રહી છે કે થવાની છે તેની સંપૂર્ણ માહિતી આપતી આ વેબસાઈટ યુવાવર્ગમાં ખાસ્સી લોકપ્રિય છે. તમને જાણીને નવાઈ લાગશે કે Allevents.in એ અમદાવાદી યુવક અમિત પંચાલ અને રૂચિત પટેલના દિમાગની ઉપજ છે. આજે 30000 શહેરોને કવર કરતી આ વેબસાઈટ ઈવેન્ટની રસપ્રદ માહિતીઓ અને ફીચર સાથે આપે છે. 

7 વર્ષ પહેલાં શરૂ કરેલો વિચાર AllEvents ને શરૂઆતમાં તકલીફ પણ પડી. એક સમયે 2 કરોડ રૂપિયાનું ફંડ પણ મળ્યું પરંતુ ફ્રીડમ અને ક્રિએટીવિટી પર અંકુશ આવી જશે તેવા ડરથી આ મોટું ફંડ ઠુકરાવી દીધું હતું. જો કે આટલાથી હાર ન માનતા સંઘર્ષ કરીને પણ સફળતા મેળવવાનો ઈરાદો રાખતા આ બે યુવકોએ આખરે આ વૅન્ચર સફળતાપૂર્વક પાર પાડ્યું. આજે આ સાઈટ પર 25 કરોડ ઈવેન્ટ લિસ્ટેડ થઈ ચૂકી છે અને મહિને આશરે 60 લાખ લોકો વીકેન્ડ પ્લાન માટે ઉપયોગ કરે છે. આજે આ કંપની વર્ષે 3.5 કરોડનું ટર્ન ઓવર કરે છે ત્યારે જાણીએ તેમની સંઘર્ષથી સફળતા સુધીની કહાની Startup Kitli માં...