સંરક્ષણ / ચીન-પાકિસ્તાન સાથેના તણાવની વચ્ચે સરકારના આ મોટા નિર્ણયથી સેનાની તાકાતમાં થશે ધરખમ વધારો

• ભારત સરકારનો મોટો નિર્ણય 
• ભારતીય સેનાની ત્રણેય કમાનનોને મળશે મજબૂતી 
• સ્થાનિક માર્કેટથી ખરીદાશે 28000 કરોડના હથિયારો 

સંરક્ષણ પ્રધાન રાજનાથ સિંહની અધ્યક્ષતામાં સંરક્ષણ અધિગ્રહણ પરિષદે સ્થાનિક રક્ષા બજારમાંથી 27,000 કરોડ રૂપિયાના સાધનો ખરીદવાની દરખાસ્તોને મંજૂરી આપી દીધી છે. નોંધનીય છે કે સરકારના આ નિર્ણયથી મેક ઇન ઈન્ડિયા અને આત્મનિર્ભર ભારત અભિયાનને વેગ મળશે, અને ભારત હથિયારોની બાબતે સ્વનિર્ભર બને તે દિશામાં આ પગલું ભરાયું છે. 

Defence Minister Rajnath Singh chaired the meeting of Defence Acquisition Council (DAC) today clearing the acquisition proposals worth Rs 28000 crores of which acquisitions worth Rs 27000 crores is to be sourced from the Indian industry: Office of the Raksha Mantri (RMO) pic.twitter.com/q8d51pzpsy

— ANI (@ANI) December 17, 2020

DAC ની બેઠકમાં લેવાયો મહત્વપૂર્ણ નિર્ણય 

ડિફેન્સ એક્વિઝિશન કાઉન્સિલ DAC એ આજે ​​તેની બેઠકમાં ભારતીય સૈન્ય, ભારતીય નૌકાદળ અને ભારતીય વાયુસેના માટે જરૂરી વિવિધ શસ્ત્રો / પ્લેટફોર્મ / ઉપકરણો / સિસ્ટમોની મૂડી સંપાદન દરખાસ્તોને મંજૂરી આપી છે. જેની કુલ અંદાજિત કિંમત આશરે 28,000 કરોડ છે. ઉલ્લેખનીય છે કે ચીન અને પાકિસ્તાન સાથેના તણાવને લઈને ભારત તેની સેનાને વિવિધ મોરચે મજબૂત કરવાની તૈયારીમાં મચી પડ્યું છે, હજુ હાલમાં જ સેનાને 10 ના બદલે 15 દિવસ ચાલે તેટલો દારૂગોળો અને હથિયાર સ્ટોક કરવાની અનુમતિ અપાઈ હતી. 

ડિફેન્સ એક્વિઝિશન પ્રોસિજર 2020 ની નવી સિસ્ટમ અંતર્ગત  DAC ની આ પહેલી બેઠક છે. 7 દરખાસ્તોમાંથી 6 ઓફર્સ, જેની અંદાજીત કિંમત 27,000 કરોડ રૂપિયા છે, તે સ્થાનિક બજારમાંથી ખરીદવામાં આવશે. આ નિર્ણયથી જેથી ઘરેલુ બજારને પ્રોત્સાહન મળી શકે, જે 'મેક ઇન ઇન્ડિયા' અને 'આત્મનિર્ભર ભારત' નો મુખ્ય ઉદ્દેશ છે.

સેનાની ત્રણેય કમાન માટે ખરીદવામાં આવશે હથિયારો 

આજે જે દરખાસ્તો સ્વીકારવામાં આવી છે તેમાં ભારતીય વાયુ સેના માટે  DRDO દ્વારા ડિઝાઇન કરેલી એરબોર્ન અર્લી ચેતવણી અને નિયંત્રણ  AWACS સિસ્ટમ્સ, ભારતીય નૌકાદળ માટે આગામી પેઢીની ઓફશોર પેટ્રોલિંગ જહાજો અને ભારતીય સેના માટે મોડ્યુલર બ્રિજ વગેરેનો સમાવેશ થાય છે.