IPLIN
 

સુચક નિવેદન / યુક્રેનના નાગરિકોએ દેશને બચાવવા હથિયાર ઉપાડ્યા, VIDEO જોઈ મહિન્દ્રા બોલ્યા, પરમાણુ હથિયાર કરતા પણ મોટી તાકાત

Team VTV 06:55 PM, 26 Feb 22
Follow us
amid russia ukraine war anand mahindra says willpower of ukrainians is powerful

આનંદ મહિન્દ્રા એવા ગણમાન્ય ઉદ્યોગપતિઓમાંથી છે, જે દરેક પ્રકારના મુદ્દા પર પોતાની વાત સ્પષ્ટતાપૂર્વક મુકે છે. વિશ્વને હચમચાવી નાખનાર રશિયા-યુક્રેન વૉર મામલે પણ ટ્વિટર પર તેમણે પોતાનું મંતવ્ય આપ્યું છે.

  • આનંદ મહિન્દ્રાએ યુક્રેનની તાકાતને લઇ કર્યુ ટ્વિટ
  • લોકોની પાસે પોતાના દેશને બચાવવાની ઈચ્છા શક્તિ હોય છે
  • દેશને બચાવવાની ઈચ્છા શક્તિ હથિયારથી પણ વધુ શક્તિશાળી

દેશને બચાવવાની ઈચ્છા શક્તિ પરમાણુ હથિયારથી પણ વધુ શક્તિશાળી

આનંદ મહિન્દ્રાએ ન્યુયોર્ક ટાઈમ્સનો એક વીડિયો શેર કર્યો છે. આ વીડિયોમાં યુક્રેનની રાજધાની કીવના રસ્તા પર હથિયારધારી સામાન્ય નાગરિકોને જોઈ શકાય છે. આ અંગે આનંદ મહિન્દ્રાએ ટ્વિટર પર લખ્યું છે, જ્યારે લોકોની પાસે પોતાના દેશને બચાવવાની ઈચ્છા શક્તિ હોય છે ત્યારે આ તાકાત કોઈ પણ પરમાણુ હથિયારથી પણ વધુ શક્તિશાળી હોય છે. ભલે આવા લોકો પર આક્રમણ કરવુ શક્ય હોય. પરંતુ તેની પર આધિપત્ય જમાવવુ અશક્ય હોય છે. રશિયાએ યુક્રેન પર હુમલો કર્યા બાદ રાષ્ટ્રપતિ વલોડિમિર જેલેન્સ્કીએ સામાન્ય નાગરિકોને દેશની સુરક્ષા કરવા માટે આગળ આવવા જણાવ્યું. ત્યારબાદ સરકાર યુક્રેનમાં રહેલા  સામાન્ય લોકોને હથિયાર અને શિક્ષણ આપી રહી છે. કારણકે તે રશિયાની સેનાનો સામનો કરી શકે.

યુદ્ધ જલ્દી સમાપ્ત થાય તેવા અણસાર દેખાતા નથી

ન્યુયોર્ક ટાઈમ્સના વીડિયોમાં પણ હલિબ બોંડારેનકો નામના એક કોમ્પ્યુટર એન્જિનિયરને કહેતા સાંભળી શકાય છે કે સ્થાનિકો પોતાના હથિયાર મેળવવા માટે રાહ જોઇ રહ્યાં છે. કારણકે તેનાથી રશિયાના હુમલાખોરોનો પ્રતિકાર કરી શકાય. આ યુદ્ધ જલ્દી સમાપ્ત થાય તેવા અણસાર દેખાતા નથી. હું એક સામાન્ય નાગરિક છુ અને કાયદાકીય રીતે મારે આવા કોઈ કામમાં અથવા યુદ્ધમાં સામેલ ના થવુ જોઈએ.

Ukraine Russia Crisis Anand Mahindra tweet Willpower Nuclear Weapons
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ