રસીકરણ / દુનિયાને 5.5 કરોડ રસી આપશે અમેરિકા, જાણો ભારત સહિત એશિયાઈ દેશોને કેટલા મળશે ડોઝ

• અમેરિકા 5.5 કરોડ રસી એશિયાઈ દેશોને આપશે
• 1.6 કરોડ ભારત અને બાંગ્લાદેશ જેવા એશિયાઈ દેશોને
• રાષ્ટ્રપતિએ જૂનના અંત સુધી આઠ કરોડ રસીનું વિતરણ કરવાનો સંકલ્પ કર્યો

અમેરિકા 5.5 કરોડ રસી એશિયાઈ દેશોને આપશે

અમેરિકાના રાષ્ટ્રપતિ જો બાયડને સોમવારે વૈશ્વિક સ્તર પર કોરોના વાયરસના 5.5 કરોડ રસી એશિયાઈ દેશોને આપવાનું એલાન કર્યું છે. જેમાં 1.6 કરોડ ભારત અને બાંગ્લાદેશ જેવા એશિયાઈ દેશોને આપવામાં આવશે.  આ પહેલા અમેરિકાએ કોરોનાના 2.5 કરોડ રસી આપવાનું એલાન કર્યુ હતુ. જેમાં મળીને બાયડન પ્રશાસન અત્યાર સુધી 8 કરોડ રસી વિતરિત કરવાની જાહેરાત કરી ચૂક્યા છે. અમેરિકન રાષ્ટ્રપતિએ કોવિડ મહામારીને વૈશ્વિક સ્તર પર ખતમ કરવાને ધ્યાનમાં રાખી આ રસી જૂનના અંત સુધી વિતરિત કરવાનો સંકલ્પ લીધો હતો.

રાષ્ટ્રપતિએ જૂનના અંત સુધી આઠ કરોડ રસીનું વિતરણ કરવાનો સંકલ્પ કર્યો

વ્હાઈટ હાઉસે કહ્યુ કે દુનિયાભરમાં કોવિડ મહામારીને સમાપ્ત કરવાની  પોતાની લડાઈ જારી રાખતા રાષ્ટ્રપતિ બાયડને સમગ્ર દુનિયાને રસી ઉપલબ્ધ કરાવવામાં મદદ કરવાનો વાયદો કર્યો છે.  આ અંતર્ગત, અમારી ઘરેલુ આપૂર્તિમાંથી રસીને દાન કરવાની યોજના છે અને રાષ્ટ્રપતિએ જૂનના અંત સુધી આઠ કરોડ રસીનું વિતરણ કરવાનો સંકલ્પ વ્યક્ત કર્યો છે.

 8 કરોડ રસીમાંથી 75 ટકા કોવૈક્સ અભિયાનના માધ્યમથી અપાશે

વ્હાઈટ હાઉસે કહ્યુ કે 8 કરોડ રસીમાંથી 75 ટકા કોવૈક્સ અભિયાનના માધ્યમથી વિતરિત કરવામાં આવશે. જ્યારે 25 ટકા રસીને તે દેશોને પુરી પાડવામાં આવશે જે સંક્રમણના વધારે પડતા મામલાથી લડી રહ્યા છે.

અમેરિકામાં 90 ટકા વસ્તીનું રસીકરણ થઈ ચૂક્યુ

વ્હાઈટ હાઉસે પોતાના નિવેદનમાં કહ્યું કે એશિયાઈ દેશો- ભારત, નેપાલ, બાંગ્લાદેશ, પાકિસ્તાન, શ્રીલંકા, અફગાનિસ્તાન અને અન્યને લગભગ 16 મિલિયન(1.6 કરોડ) ડોઝ પુરા પાડવામાં આવશે. ત્યારે અમેરિકામાં 90 ટકા વસ્તીનું રસીકરણ થઈ ચૂક્યુ છે. સાર્વજનિક જગ્યાઓ પર લોકો હવે વગર માસ્કે ફરી શકે છે.

દુનિયામાં કોરોનાના કેટલા કેસ

દુનિયામાં રવિવારે કોરોના 2 લાખ 95 હજાર 229 લોકો પોઝિટિવ આવ્યા છે. આ દરમિયાન 3 લાખ 25 હજાર 447 લોકોએ સાજા થયા છે. જો કે 6233 લોકોના મોત થયા છે. દુનિયામાં હાલ કુલ 17. 92 કરોડથી વધારે કેસ છે. જેમાં 38.82 લાખ લોકોના મોત થયા છે. જ્યારે 16.38 કરોડ લોકોએ કોરોનાને હરાવ્યો છે.