ફાયદા / ખૂબ જ હેલ્ધી છે ટામેટાનો સૂપ, રોજ પીશો તો કેન્સર અને ડાયાબિટીસ જેવા રોગો સામે મળશે રક્ષણ

• શિયાળામાં રોજ ટોમેટો સૂપ પીવું જોઈએ
• મગજને હેલ્ધી રાખે છે ટામેટા
• કેન્સર અને ડાયાબિટીસનો ખતરો ઘટાડે છે

હાડકા માટે ફાયદાકારક

ટોમેટો સૂપમાં વિટામિન કે અને કેલ્શિયમ હોય છે, જે હાડકાને મજબૂત રાખે છે. શરીરમાં લાઇકોપિનની કમીથી હાડકા પર સ્ટ્રેસ પડે છે. ટામેટામાં ભરપૂર પ્રમાણમાં લાઇકોપિન હોય છે જે હાડકાઓને હેલ્ધી રાખવામાં મદદ કરે છે.

મગજને રાખે તંદુરસ્ત

ટોમેટો સૂપમાં ભરપુર માત્રામાં કોપર અને પોટેશિયમ હોય છે, તેનાથી નર્વસ સિસ્ટમ ઠીક રહે છે અને મગજ પણ હેલ્ધી રહે છે. મગજની તંદુરસ્તી માટે ટામેટા બેસ્ટ છે. 

વિટામિનની કમી પૂરી કરે છે

ટોમેટો સૂપમાં વિટામિન એ અને સીની સારી એવી માત્રા હોય છે. વિટામિન એ, ટિશ્યુઝના વિકાસ માટે જરૂરી છે. શરીરમાં રોજ 16 ટકા વિટામિન એ અને 20 ટકા વિટામિન સીની જરૂર હોય છે અને ટોમેટો સૂપ આ જરૂરિયાતોને પૂરી કરવામાં મદદ છે

વજન ઘટાડે છે

ટોમેટો સૂપને જો ઓલિવ ઓઇલથી બનાવવામાં આવે તો તે વજન ઘટાડવામાં સહાયક હોય છે. કેમકે તેમા પાણી અને ફાઇબરની માત્રા વધુ હોય છે. તેનાથી તમને લાંબા સમય સુધી ભૂખ લાગતી નથી અને તમારું વજન ઘટે છે. 

કેન્સરનો ખતરો ઘટે છે

ટોમેટોમાં લાઇકોપિન અને કેરોટોનોઇડ જેવા એન્ટીઓક્સીડેન્ટ હોય છે તેનાથી કેન્સરની શક્યતાઓ પણ ઘટી જાય છે.

બ્લડ શુગર નિયંત્રણમાં રહે છે

ડાયાબિટીસના દર્દીઓએ ડાયટમાં ટોમેટો સૂપ જરૂર લેવો જોઇએ. તેમાં ક્રોમિયમ હોય છે જે બ્લડ શુગરને નિયંત્રણમાં રાખવામાં સહાયક હોય છે. ટામેટામાં સેલેનિયમ પણ હોય છે જે રક્ત પ્રવાહને વધારે છે અને તેનાથી એનિમિયાનો ખતરો પણ ઘટે છે. 

આલેખનઃ ભૂમિકા ત્રિવેદી