છેલ્લા એક મહિનાથી પક્ષ વગર લટકતાં અલ્પેશ ઠાકોર અને ધવલસિંહ ઝાલા અંતે આજે વિધિવત રીતે ભાજપમાં જોડાયા છે. કમલમ ખાતે જીતુ વાઘાણીની હાજરીમાં બન્ને નેતાઓ ભાજપમાં જોડાયા છે. બન્ને આગેવાનોએ સમર્થકો સાથે ભાજપનો ખેસ પહેર્યો છે. આજે સત્તાવાર રીતે અલ્પેશ અને ધવલસિંહ ઝાલાએ કેસરી ખેસ ધારણ કરી લીધો છે. કમલમ ખાતે પ્રદેશ ભાજપ પ્રમુખ જીતુ વાઘાણી સહિતના નેતાઓ હાજર રહ્યા હતા. ઠાકોર સમાજના લોકો અને સમર્થકો મોટી સંખ્યામાં હાજર રહ્યા હતા.