ડેલ્ટા વેરિએંટ / દેશના અનેક રાજ્યોમાં ફરી પ્રતિબંધો લગાવવા મજબૂર સરકારો, જાણો કેમ વધી રહ્યું છે ટેન્શન

• ડેલ્ટા વેરિએંટને લઈને ભારતમાં હાહાકાર 
• અમુક રાજ્યોમાં પ્રતિબંધો વધારવામાં આવ્યા 
• ભારતમાં ડેલ્ટા વેરિએંટના 50 કરતા વઘારે કેસ 

કોરોનાની બીજી લહેરના કેસ હવે ઘટ્યા છે. જેના કારણે આપણાને રાહત મળી છે. પરંતુ ડેલ્ટા પ્લસ વેરિએંટને લઈને લોકોમાં હવે ચિંતાનો માહોલ જોવા મળી રહ્યો છે. અત્યાર સુધીમાં કુલ 50 કરતા વધારે ડેલ્ટા વેરિએંટના કેસ ભારતમાં નોંધાયા છે. તાજેતરમાં ફરીદાબાદ અને ચંદીગઢમાં ડેલ્ટા વેરિએંટનો કેસ નોંધાયો છે. જેમા ચંદિગઢમાં પ્રથમ કેસ સામે આવ્યો છે. 

આ વેરિએંટનું સંક્રમણ ફેલાતું અટકાય તે માટે ભારતના બધા રાજ્યો એક થઈને તેની સામે લડાઈ લડી રહ્યા છે. પરંતુ ડેલ્ટા વેરિએંટને લઈને સરકાર ફરી વખત પ્રતિબંધીત પગલા લેવા માટે મજબૂર બની છે. જેના કારણે લોકોના જનજીવન પર ફરી ગંભીર પડી શકે છે. ત્યારે આવો જાણીએ કે કયા રાજ્યોએ ડેલ્ટા વેરિએન્ટને રોકવા કેવા પગલા લીધા છે. 

હરિયાણા

હરિયાણાના ફરિદાબાદમાં ડેલ્ટા વેરિએંટનો કેસ નોંધાયા બાદ અહીયા ભયનો માહલો છે. રાજ્યના સ્વાસ્થ્યમંત્રી અનિલ વિજે કહ્યું કે સરકાર પૂરી રીતે તૈયાર છે. સંક્રમિત દર્દીના સંપર્કમાં આવેલા 100 જેટલા લોકોને ટેસ્ટિંગ માટે આદેશ આપવામાં આવ્યા છે. સાથેજ તેમના સેમ્પલની જીનોમિક સ્કેનિંગ પણ કરવામાં આવશે. 

ચંદીગઢ 

કેન્દ્રશાસિત પ્રદેશ ચંદીગઢમાં ડેલ્ટા પ્લસ વેરિએંટનો પહેલો મામલો દર્દીના જીનોમિક સ્કેવેસિંગમાં સામે આવ્યો છે. જોકે દર્દી ઘરેજ સારવાર લઈને સાજો થઈ ગયો હતો. પરંતુ સરકારે બધાજ પ્રોટોકોલનું કડક પાલન કરવા પર જોર આપ્યું છે. 

ઓડિશા 

ઓડિશામાં પહેલો ડેલ્ટા વેરિએંટનો કેસ સામે આવ્યા બાદ મહામારી વિેશષજ્ઞોની ટીમને દેવગઢ જિલ્લામાં મોકલવામાં આવી હતી. જોકે તે દર્દીની હાલત હાલ સ્થિર છે. 

નાગપુર 

નાગપુરમાં ડેલ્ટા વેરિએંટને લઈને મહારાષ્ટ્ર સરકારે પ્રતિબંધ વધારી દીધા છે. જેમા સવારે 4 કલાક અને સાંજે 4 કલાક દુકાનો ખોલવા દુકાનદારોને આદેશ આપ્યા છે. તે સિવાય મોલ અને થિએટર પણ સરકારે બંધજ રાખ્યા છે અને જીવન જરૂરીયાતની વસ્તુની દુકાનો સિવાય બીજી બધી દુકાનોને શનીરવી બંધ રાખવા આદેશ આપ્યા છે. 

રાજસ્થાન 

રાજસ્થાન સરકાર પણ ડેલ્ટા વેરિએંટને લઈને અત્યારથી સતર્ક છે. તેંમજ સંક્રમંણને રોકવા તેમણે નવા માઈક્રોકન્ટેઈમેન્ટ ઝોન બનાવ્યા છે. બીકાનેરમાં ડેલ્ટા વેરિએંટનો કેસ સામે આવ્યો હતો. જેથી ત્યા કોન્ટેક્ટ ટ્રેસિંગનું કામ ઝડપથી શરૂ કરી દેવામાં આવ્યું છે. 

મધ્યપ્રદેશ 

મધ્યપ્રદેશમાં ડેલ્ટા વેરિએંટના કુલ 8 કેસ સામે આવ્યા છે. જોકે તે દર્દીના સંપર્કમાં આવેલ કોઈ પણ વ્યક્તિમાં સંક્રમણ ફેલાયું નથી તે સારી બાબત છે.  2 દર્દીઓના અહીયા ગત મહિને મોત થયા હતા. તેમનામાં પણ ડેલ્ટા પ્લસ સંક્રમણ મળી આવ્યું હતું. 

ગુજરાત 

19 એપ્રીલે ગુજરાતમાં પહેલો ડેલ્ટા વેરિએંટનો કેસ નોંધાયો હતો. જોકે આ મામલે સુરતના મનપા કમિશનરે એવું કહ્યું કે દર્દી હોમ આઈસોલેશનમાંજ સાજો થઈ ગયો હતો. 

કર્નાટક 

અહીયા પણ ડેલ્ટા વેરિએંટ સામે આવ્યા બાદ સરકારે બધા જિલ્લાંમાં તાત્કાલીક રોક લગાવી છે. ભીડમાં એકઠા ન થવા સરકારે કડક આદેશ આપ્યા છે. સાથેજ તેમણે રાજ્યમાં વેક્સિનેશન પણ વધાર્યું છે. 

જમ્મૂ-કશ્મીર 

જમ્મૂમાં ડેલ્ટા વેરિએંટનો પ્રથમ કેસ સામે આવ્યા બાદ અહીયાના બજારો ખાલી જોવા મળ્યા હતા. ઉપરાંત સ્થાનિક કારોબારી સંસ્થાઓ દ્વારા અહીયા એક અઠવાડિયાનું લોકડાઉન લગાવામાં આવ્યું છે. જેના કારણે લોકો હેરાન થઈ ગયા છે. 

ઉલ્લેખનીય છે કે કેન્દ્રીય સ્વાસ્થ્ય મંત્રી રાજેશ ભૂષણે દરેક રાજ્યને પત્ર લખીને જણાવ્યું છે, કે ડેલ્ટા વેરિએંટને રોકવા માટે જરૂરી પગલા લેવામાં આવે. જે લોકોનો રિપોર્ટ પોઝિટીવ આવે તેમના સેમ્પલ ભારતીય સાર્સ-કોવ-2 જીનોમિક કંસોર્શિયાની પ્રયોગશાળામાં મોકલવા માટે પણ આદેશ આપ્યા છે. જેથી ડેલ્ટા વેરિએંટને જલ્દી શોધી શકાય.