નિયમ / વાહન ચાલકો માટે ખુશખબર, હવે ટોલ પ્લાઝા પર રોકાવવાની નહી પડે જરૂર, સડસડાટ નીકળી જવાશે

સરકારે નિર્ણય કર્યો છે કે, 1 ડિસેમ્બરથી નેશનલ હાઇ વે પર બધા જ ટોલ પ્લાઝાની  બધી જ લેન પર FASTag લેન થઇ જશે. આ તમામ લેન એક હાઇબ્રિડ લેન હશે જે બધા ટોલ પ્લાઝાને ઓવર સાઇઝ્ડ વાહનોને જવા માટે મદદ કરશે. આ લેનમાં FASTag ઉપરાંત બીજી રીતે પણ પેમેન્ટ સ્વીકારવામાં આવશે. રોડ ટ્રાન્સપોર્ટ અને હાઇવેઝ મંત્રાલયે નિવદેનમાં કહ્યુ કે, સમય જતા પહેલા લેનને પણ FASTagમાં કન્વર્ટ કરવામાં આવશે. 

આ સાથે મંત્રાલયને જણાવ્યુ કે, દેશના તમામ પ્લાઝા પર આ વ્યવસ્થા કરીને FASTag લગાવવાથી વાહન રોકાયા વગર આગળ વધી જશે. આ નિર્ણયથી ન તો સરકારના ડિજિટલ ઇન્ડિયાને પ્રોત્સાહન મળશે સાથે જ રોકડ વ્યવહારમાં ઘટાડો થશે. 

1 ડિસેમ્બર પછી જો FASTag નહી હોય તેના વાહન FASTag માંથી પસાર થશે તો તેમની પાસેથી વધુ ચાર્જ વસૂલવામાં આવી શકે છે. FASTag  એક એવો ટેગ છે જેને સ્કેન કરીને મશીન ટોલ ચાર્જને ઓટોમેટિક કાપી લે છે અને વાહનને ટોલ પ્લાઝા પર કેશ આપવા માટે રોકાવવાની જરૂર પણ પડતી નથી. મંત્રાલયે જણાવ્યુ કે, ''આખા દેશમાં ટોલ પ્લાઝાની બધી જ લેનને FASTag લેન્સ જાહેર કરવાનો નિર્ણય કરવામાં આવ્યો છે જે 1 ડિસેમ્બરથી લાગૂ થઇ જશે.''

ઉલ્લેખનીય છે કે, થોડા દિવસો પહેલા રોડ ટ્રાન્સપોર્ટ અને હાઇવેઝના મંત્રી નિતિગ ગડકરીએ કહ્યુ કે, આગામી 4 મહિનામાં તમામ ગાડીઓને FASTag જોડી લેવામા આવશે. જેથી ટોલ પ્લાઝા પર આવનારી લાઇમ પૂરી થઇ જશે. નવી ગાડીઓને વેચાણમાં પહેલા જ FASTag અનિવાર્ય કરી દેવામા આવ્યુ છે. તમામ ગાડીઓમાં FASTag લાગી શકે, તેનું વેચાણ શરૂ થઇ ગયુ છે. અત્યાર સુધી 58 લાખ FASTag વહેચાઇ ચૂક્યા છે.