મહારાષ્ટ્ર / લોકડાઉનમાં નિયમોની ધજ્જિયા ઉડાવનારા લોકોને માફ કરશે સરકાર, કેસો પાછા ખેંચશે

• મહારાષ્ટ્ર સરકારનો મોટો નિર્ણય
• લોકડાઉનમાં થયેલા કેસો પાછા ખેંચશે
• લાખો લોકોને રાહત મળશે

મહારાષ્ટ્રના ગૃહ વિભાગે કોવિડ કાળમાં લોકડાઉન ઉલ્લંઘન સાથે જોડાયેલા તમામ કેસો પરત ખેંચવાનો નિર્ણય લીધો છે. ગૃહમંત્રી દિલીપ વલસે પાટિલે જણાવ્યું હતું કે, ગૃહવિભાગે આ નિર્ણય લીધો છે, હવે આ અઠવાડીયામાં કેબિનેટમાં રજૂ કરવામાં આવશે અને જેવી મંજૂરી મળી જશે કે તુરંત કેસો પાછા લેવાના શરૂ થઈ જશે.

લોકડાઉનમાં નિયમો તોડનારા પર એક્શન

કોરોના વાયરસની મહામારી પર લગામ લગાવવા માટે સરકારે દેશભરમાં લોકડાઉન લાગૂ કર્યા હતા. લોકડાઉનના કડક અમલવારી માટે સરકારે આકરાં પ્રતિબંધો પણ લગાવ્યા હતા અને તેનું ઉલ્લંઘન કરનારા પર કેસ પણ કરવામાં આવ્યા હતા. હવે લોકડાઉન ઉલ્લંઘન સાથે જોડાયેલા કેસોને લઈને મહારાષ્ટ્ર સરકારે મોટો નિર્ણય કર્યો છે. જેનાથી લોકોને રાહત મળશે. જેના વિરુધ્ધ કોરોના નિયમો તોડવાના આરોપ લાગ્યા હતા.

લાખો લોકોને થશે રાહત

મહારાષ્ટ્ર ગૃહવિભાગના આ નિર્ણય લોકો માટે કોઈ રાહતથી જરાંયે ઉતરતું નથી. જેમણે કોરોનાના નિયમોનું ઉલ્લંઘન કર્યું હતું. પરિણામ સ્વરૂપ તેમના પર કાર્યવાહી કરવામાં આવી હતી. આપને જણાવી દઈએ કે, સરકારના આ નિર્ણયથી લાખો લોકોને રાહત મળવાની છે. હવે ઘણા બધા લોકો કોર્ટ અને પોલીસ સ્ટેશનના ચક્કર કાપવાથી બચી જશે.