ગુરમીત રામ રહીમનો ચુકાદો આવ્યા બાદ ભડકેલી હિંસાના કારણે આલિયા ભટ્ટની આગામી ફિલ્મ રાજીનું શૂટિંગ અટકી ગયું હતું. એટલે સુધી કે ફિલ્મની પૂરી ટીમ ઘણા દિવસો સુધી પટિયાલાની એક હોટલમાં બંધ હતી. જો કે હવે ત્યાંની સ્થિતિ સામાન્ય છે. ત્યારબાદ ડાયરેક્ટર મેઘના ગુલજાર અને ટીમે ફરીથી શૂટિંગ શરૂ કરી દીધું છે.
ખાસ વાત એ છે કે આટલા દિવસ સુધી શૂટિંગ અટકી ગયું હોવાને કારણે હવે આલિયાને ડબલ શિફ્ટમાં કામ કરવું પડે છે. એમને શૂટિંગ જલ્દીમાં પૂરું કરવું છે એટલા માટે આલિયા સહિત ટીમના દરેક લોકોએ ખૂબ મહેનત કરવી પડી રહી છે. તમને જણાવી દઇએ કે ડાયરેક્ટર મેઘના ગુલજારની ફિલ્મ રાજીમાં આલિયા ભટ્ટ એક કાશ્મીરી છોકરીનો રોલ પ્લે કરી રહી છે અને એની ઓપોઝિટ વિકી કૌશલ નામના અભિનેતા પાકિસ્તાની ઓફિસરના રોલમાં છે.