- સોશિયલ મીડિયા પર આલિયા ભટ્ટની દિકરીની પહેલી ઝલકનો દાવો
- આલિયા ભટ્ટની દિકરીની નકલી તસવીરો અને વીડિયોઝ થયા વાયરલ
- હોસ્પિટલમાંથી મોર્ફ કરેલા વીડિયો પણ થઈ રહ્યા છે વાયરલ
આલિયા ભટ્ટ અને રણબીર કપૂરની દિકરી હાલ ખૂબ જ ચર્ચામાં છે. રવિવારે આલિયા ભટ્ટ માતા બની. તેની દિકરીના જન્મની ખુશીમાં જ્યાં પરિવારથી લઈને મિત્રો અને ફેન્સ ખૂબ જ ખુશ છે. ત્યાં જ સોશિયલ મીડિયા પર લોકો કપૂર પરિવારના ઘરે આવેલી લક્ષ્મીની એક ઝલક માટે આતુર છે. પરંતુ સોશિયલ મીડિયા પર એવા ઘણા ફોટો અને વીડિયો વાયરલ થઈ રહ્યા છે અને દાવો કરવામાં આવી રહ્યો છે કે તેમાં જે છે તે આલિયા ભટ્ટ અને રણબીરની બાળકી છે.
સોશિયલ મીડિયા પર વાયરલ થઈ તસવીરો
પરંતુ હકીકતે હજુ સુધી આલિયા અને રણબીરની દિકરીનો ફોટો કપૂર કે ભટ્ટ પરિવાર દ્વારા સાર્વજનિક કરવામાં આવ્યો નથી. સોશિયલ મીડિયા પર જે તસવીરો વાયરલ થઈ રહી છે તેને ફોટોશોપ દ્વારા મોર્ફ કરવામાં આવી છે. તેમાંથી એકમાં આલિયાની બાજુમાં બાળકીને બતાવવામાં આવી રહી છે. જ્યારે એક વીડિયોમાં આલિયાની સાથે હોસ્પિટલમાં બાળકી દર્શાવવાનો દાવો કરવામાં આવી રહ્યો છે. આ દરેક ફોટો અને વીડિયો નકલી છે.
આલિયાએ દિકરીના જન્મ બાદ કરી હતી આ પોસ્ટ
મહત્વનું છે કે પુત્રીના જન્મ બાદ આલિયા ભટ્ટે ઈન્સ્ટાગ્રામ પર માત્ર એક જ પોસ્ટ શેર કરી છે. જ્યારે રણબીર કપૂર કોઈપણ સોશિયલ મીડિયા પ્લેટફોર્મ પર નથી. આલિયાએ ફેંસ સાથે ખુશખબર શેર કરતી વખતે સિંહોના પરિવારનો સ્કેચ શેર કર્યો હતો. આ સાથે અભિનેત્રીએ લખ્યું, ' અમારા જીવનના સૌથી સારા સમાચાર- અમારૂ બાળક અહીં છે... અને તે એક જાદુઈ છોકરી છે.'
