IPLIN
 

વિરોધ / અક્ષય કુમારની પૃથ્વીરાજ ફસાઈ વિવાદોમાં, ગુર્જર સેના અને કરણીસેનાએ આપી દીધી ચેતવણી, જો આ કામ ન કર્યું તો...

Team VTV 01:48 PM, 23 May 22 | Updated: 01:50 PM, 23 May 22
Follow us
akshay kumar's film prithviraj is trapped in controversies

અક્ષય કુમારની ફિલ્મ પૃથ્વીરાજને ગુર્જર સમાજ તથા કરણી સેના બંને તરફથી ચેતવણી મળી છે. જાણો શું છે મામલો

  • 3 જૂનનાં રોજ રિલીઝ થવા જઈ રહી છે અક્ષય કુમારની ફિલ્મ પૃથ્વીરાજ 
  • કરણી સેનાએ ફિલ્મનું નામ બદલવાની  કરી માંગ 
  • ગુર્જર સમાજે પૃથ્વીરાજનાં ગુર્જર શાસક હોવાનો કર્યો દાવો 

અક્ષય કુમારની ફિલ્મ પૃથ્વીરાજ વિવાદોમાં ઘેરાઈ

બોલિવુડનાં ખિલાડી તરીકે ઓળખાતા અક્ષય કુમારની ફિલ્મ 'પૃથ્વીરાજ' સિનેમાઘરોમાં રિલીઝ પહેલા જ વિવાદોમાં ઘેરાઈ છે. પૃથ્વીરાજને એક નહીં પણ સમાજના બે વર્ગોના વિરોધનો સામનો કરવો પડી રહ્યો છે. રાજસ્થાનમાં ગુર્જર સમાજ દ્વારા 'પૃથ્વીરાજ'ની સ્ક્રીનીંગ રોકવાની ધમકી બાદ હવે કરણી સેનાએ અક્ષય કુમારની ફિલ્મનું ટાઈટલ બદલવાની માંગણી કરી છે. ખુદને રાજપૂતોની પ્રતિનિધિ જણાવતી કરણી સેનાની નિરાશાનું કારણ ફિલ્મનું નામ છે. તેમની માંગણી છે કે ફિલ્મનું નામ 'સમ્રાટ પૃથ્વીરાજ ચૌહાણ' રાખવામાં આવે. 

ગુર્જર સમાજે પૃથ્વીરાજનાં ગુર્જર શાસક હોવાનો કર્યો દાવો 

બીજી તરફ અખિલ ભારતીય વીર ગુર્જર મહાસભાનાં પ્રાદેશાધ્યક્ષ મનીષ ભાર્ગડનો દાવો છે કે પૃથ્વીરાજમાં તથ્યોને ખોટા પ્રકારે દર્શાવવામાં આવ્યા છે. પૃથ્વીરાજ ચૌહાણ 'રાજપૂત' નહીં પણ 'ગુર્જર' હતા. મનીષ ભાર્ગડનું કહેવું છે કે ફિલ્મના નિર્માણ પહેલા જ તેમણે નિર્માતા સાથે મુલાકાત કરીને બધા પુરાવાઓ સોંપ્યા હતા. પૃથ્વીરાજનાં નિર્માતાઓ તેમને આશ્વાસન આપ્યું હતું કે ફિલ્મમાં સમુદાય વિરુદ્ધ કંઈ બતાવવામાં આવશે નહીં. 

3 જૂનનાં રોજ રિલીઝ થવા જઈ રહી છે અક્ષય કુમારની ફિલ્મ પૃથ્વીરાજ 

જોકે હવે અખિલ ભારતીય વીર ગુર્જર મહાસભાની માંગ છે કે ફિલ્મમાં પૃથ્વીરાજ ચૌહાણને ગુર્જર શાસક તરીકે બતાવવામાં આવે અને ન કે રાજપૂતનાં રૂપમાં. જણાવી દઈએ કે ફિલ્મની સ્ક્રીનીંગ પર પણ આ વિવાદોને કારણે અસર પડી શકે છે. નિર્માતાઓએ વહેલી તકે પગલાં ભરવા પડશે. આ ફિલ્મ 3 જૂનનાં રોજ સિનેમાઘરોમાં રિલીઝ થવા જઈ રહી છે. 
 

અક્ષય કુમાર Akshay Kumar Gujarati News Film Prithviraj પૃથ્વીરાજ ફિલ્મ
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ