IPLIN
 

UP ELECTION / ફ્રી લેપટોપ, ફ્રી વિજળી અને ફ્રી ખાતર, ખેડૂતો અને મહિલાઓ માટે અખિલેશે કરી મોટી જાહેરાત

Team VTV 05:45 PM, 08 Feb 22 | Updated: 05:45 PM, 08 Feb 22
Follow us
akhilesh yadav announce sp manifesto

સમાજવાદી પાર્ટીના અધ્યક્ષ અખિલેશ યાદવે મંગળવારે લખનઉમાં ઉત્તર પ્રદેશ માટે પાર્ટીનો ચૂંટણી ઢંઢેરો જાહેર કર્યો છે. પાર્ટીએ પોતાના આ મેનિફેસ્ટોમાં સમાજવાદી પાર્ટી વચન પત્ર નામ આપ્યું છે.

  • અખિલેશ યાદવે યુપી વિધાનસભા ચૂંટણી માટે મેનિફેસ્ટો જાહેર કર્યો
  • ખેડૂતો અને મહિલાઓ માટે કરી મોટી જાહેરાત
  • વિદ્યાર્થિનીઓ માટે પણ થઈ મોટી જાહેરાત

સમાજવાદી પાર્ટીના અધ્યક્ષ અખિલેશ યાદવે મંગળવારે લખનઉમાં ઉત્તર પ્રદેશ માટે પાર્ટીનો ચૂંટણી ઢંઢેરો જાહેર કર્યો છે. પાર્ટીએ પોતાના આ મેનિફેસ્ટોમાં સમાજવાદી પાર્ટી વચન પત્ર નામ આપ્યું છે. સાથે જ લખ્યું છે કે, 22માં 22 વચન. મેનિફેસ્ટોમાં આપેલા 22 વચનો અખિલેશે એક એક કરીને ગણાવ્યા હતાં. 

15 દિવસમાં શેરડીના ખેડૂતોને ચુકવણી થઈ જશે

આ દરમિયાન અખિલેશ યાદવે કહ્યું કે, અમે સત્ય વચન અને અટૂટ વાયદા સાથે જનતાની વચ્ચે જઈ રહ્યા છીએ. આ દરમિયાન તેમણે દાવો કર્યો હતો કે, એસપીએ જ્યારે પણ કોઈ વચન આપ્યું તો, તેને સરકાર બનતાં પુરુ કર્યું છે. અખિલેશ યાદવે કહ્યું કે, તમામ પાક માટે એમએસપી આપવામાં આવશે. આ ઉપરાંત તેમણે જાહેરાત કરી છે કે, જો સરકાર બનશે તો 15 દિવસની અંદર શેરડીના ખેડૂતોને ચુકવણી કરી દેવામાં આવશે. આ દરમિયાન તેમણે કહ્યું કે, સમાજવાદી પાર્ટીનો મેનિફેસ્ટો સત્યવચન અને અટૂટ વાયદા પર નિર્ભર છે. 

મેનિફેસ્ટોની મોટી વાતો

  • તમામ પાક માટે MSP
  • શેરડીના ખેડૂતોને 15 દિવસમાં ચુકવણી
  • ખેડૂતોને ચાર વર્ષની અંદર દેવામુક્ત કરવામાં આવશે, વ્યાજ વગર લોનની સુવિધા
  • નાના ખેડૂતોને 2 બોરી DAP અને 5 બોરી યુરિયા આપવામાં આવશે
  • ખેડૂત આંદોલનમાં શહીદ થયેલા ખેડૂત પરિવાર 25 લાખનું વળતર, ખેડૂત સ્મારક બનાવશે
  • બીપીએલ પરિવારને દર વર્ષે 2 સિલેન્ડર આપવામાં આવશે.
  • 12 પાસ બાળકોને ફ્રીમાં લેપટોપ આપવામાં આવશે
  • 300 યુનિટ વિજળી ફ્રીમાં આપવામાં આવશે
  • સરકારી નોકરીમાં મહિલાઓને 33 ટકા અનામત
  • કારીગર બજાર સ્થાપવામાં આવશે
  • ટૂ વ્હીલર વાહન ચાલકના માલિકને 1 લિટર પેટ્રોલ ફી
  • ઓટોરિક્ષાવાળાને ત્રણ લીટર પેટ્રોલ અથવા 6 કિલો સીએનજી ફ્રી આપવામાં આવશે.
  • અર્બન એમ્પલ્યોમેંટ ગેરેન્ટી એક્ટ બનશે
  • 1090ને મજબૂત કરશે, ઈમેલ, વોટ્સએપ અને એફઆઈઆરની વ્યવસ્થા હશે
  • છોકરીઓને કેજીથી લઈને પીજી સુધી ફ્રીમાં શિક્ષણ
  • વૃદ્ધોને 18 હજારનું પેન્શન આપવામાં આવશે
  • પ્રસૃતિના સમયે બીપીએલ મહિલાને 15 હજાર રૂપિયા આપવામાં આવશે
  • સમાજવાદી કરિયાણું શરૂ થશે,. 10 રૂપિયામાં ભોજન મળશે.
  • 1890 મજૂર પાવર લાઈનની શરૂઆત થશે
  • સમાજવાદી પેન્શન યોજના અને કન્યા વિદ્યાધન યોજના ફરી શરૂ થશે
UP Elections Akhilesh yadav sp menifesto મેનિફેસ્ટો ચૂંટણી ઢંઢેરો સમાજવાદી પાર્ટી અખિલેશ યાદવ યુપી ઈલેક્શન
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ