એરટેલ બાદ વોડાફોન આઇડિયા અને ટાટા ગ્રુપે પણ સોમવારે સરકારને AGR ની ચુકવણી કરી. એરટેલે વચન મુજબ આજે 10 હજાર કરોડ રૂપિયા જમા કરાવ્યાં છે, જ્યારે વોડાફોન આઇડિયાએ 2500 કરોડ રૂપિયા અને ટાટા સમૂહે 2190 કરોડ રૂપિયા જમા કરાવ્યાં છે. આ અંગેની સૂત્રોને જાણકારી મળી છે.
એરટેલ બાદ વોડાફોન-આઇડિયા-ટાટા ગ્રુપે AGR ની ચૂકવણી કરી
સુપ્રીમે ટેલિકોમ કંપનીઓ વિરુદ્ધ AGR ને લઇને કડક વલણ અપનાવ્યું
ટેલિકોમ કંપનીઓએ 17 માર્ચ પહેલા બાકી રકમ ચૂકવાની છે
સુપ્રીમ કોર્ટે ટેલિકોમ કંપનીઓ વિરુધ્ધ AGR બાકી લઇને કડક વલણ અપનાવ્યું છે. કંપનીઓને 17 માર્ચ પહેલા બાકી રકમ ચૂકવાની છે.
લાયસન્સ કેન્સલ થવાનો પણ ડર
કોર્ટના આદેશ પર ડિપાર્ટમેન્ટ ઓફ ટેલિકોમ્યુનિકેશન (DoT) તરફતી જણાવામાં આવ્યું છે કે ટેલિકોમ કંપની બાકી રહેલી રકમ નહીં ચૂકવે તો તેના વિરુદ્ધ કડક કાર્યવાહી કરવામાં આશે. આવી પરિસ્થિતિમાં કંપનીઓની બેંક ડિપોઝિટ સીલ કરવામાં આવી શકે છે. જો કે આ કાર્યવાહીમાં લાયસન્સ પણ કેન્સલ થઇ શકે છે.
એરટેલે 10 હજાર કરોડ રૂપિયા ચૂકવ્યાં
એરટેલે બાકી રહેલી રકમ ચૂકવ્યાં બાદ કહ્યું કે તેઓ બાકીની રકમ માટે પોતે આકરણી (ચેક) કરશે. એરટેલ પર અંદાજે 35000 કરોડ રૂપિયાની લાઇસન્સ ફી અને સ્પેકટ્રમ ચાર્જીસ બાકી છે. સુનીલ મિત્તલની અધ્યક્ષતાવળી કંપનીએ ટેલીકોમ વિભાગને પત્રમાં લખીને કહ્યું છે કે, 'ભારતીય એરટેલ, ભારતીય હેક્સાકોમ અને ટેલીનોરની તરફથી 10000 કરોડ રૂપિયાની ચૂકવણી કરી છે.
વોડાફોના અંદાજે 53000 કરોડ બાકી
વોડાફોના અંદાજે 53000 કરોડ બાકી છે. આ રીતે ટાટા ગ્રુપ પર અંદાજે 9987 કરોડની લાયસન્સ ફી અને 3836 કરોડ રૂપિયાનો સ્પેક્ટ્રમ ચાર્જ બાકી છે. ઉલ્લેખનીય છે કે સુપ્રીમ કોર્ટે ગત 24 ઓક્ટોબરના રોજ કરેલા આદેશના ત્રણ મહિનાની અંદર આ કંપનીઓ બાકી રહેલી રકમ ચૂકવાની હતી. જો કે ત્યારબાદ કંપનીઓએ કોર્ટમાં બાકી રહેલી રકમ ચૂકવણીની સમય મર્યાદામાં ફરી વિચાર કરવાની માગને લઇને એક અરજી દાખલ કરવામાં આવી હતી, પરંતુ શુક્રવારે 14 ફેબ્રુઆરીના રોજ નામંજૂર કરી દેવામાં આવી.
જિયોએ ચૂકવી દીધી છે બાકી રહેલી રકમ
ટેલિકોમ કંપનીઓને સરકારના બાકી રહેલા 1.47 લાખ કરોડ રૂપિયા કરાવ્યાં છે. સરકારને આશા છે છે કે તેમાં 1.13 લાખ કરોડ રૂપિયા વસૂલવામાં આવ્યાં છે. રિલાયન્સ જીયોએ કુલ બાકી રહેલી રકમની ચૂકવણી કરી દીધી છે.