એરટેલ તેના ગ્રાહકો માટે નવો ફર્સ્ટ રિચાર્જ (FRC) પ્લાન લઈને આવ્યું છે. ફર્સ્ટ રિચાર્જ પ્લાનનો ઉપયોગ એવા ગ્રાહકો કરે છે જે પહેલીવાર પોતાના સિમ પર રિચાર્જ કરાવે છે. એરટેલ તેના નવા ગ્રાહકો માટે આવા 5 પ્લાન ઓફર કરે છે. હાલમાં જ કંપની એક નવો ફર્સ્ટ રિચાર્જ પ્લાન લઈને આવી છે. જેમાં જોરદાર સુવિધાઓ મળે છે.
એરટેલના 499 રૂપિયાના પ્લાનમાં શું છે ખાસ
આ કંપનીનો લેટેસ્ટ FRC પ્લાન છે. જે એકમાત્ર એવો ફર્સ્ટ રિચાર્જ પ્લાન છે જેમાં ડિઝ્ની પ્લસ હોટસ્ટાર વીઆઈપી 1 વર્ષનું ફ્રી સબસ્ક્રિપ્શન મળે છે. પ્લાનની વેલિડિટી 28 દિવસની છે. જેમાં બધાં નેટવર્ક પર કોલિંગ ફ્રી છે અને સાથે રોજ 3 જીબી ડેટા અને એસએમએસ મળે છે.
અન્ય ચાર પ્લાન પણ છે
499 રૂપિયા સિવાય એરટેલ 197 રૂપિયા, 297 રૂપિયા, 497 રૂપિયા એને 647 રૂપિયાના ચાર અન્ય ફર્સ્ટ રિચાર્જ પ્લાન પણ ઓફર કરે છે. 197 રૂપિયામાં 28 દિવસની વેલિડિટી મળે છે. તેમાં અનલિમિટેડ કોલિંગની સાથે કુલ 2 જીબી ડેટા અને 300 એસએમએસ મળે છે. 297 રૂપિયાના પ્લાનમાં પણ અનલિમિટેડ કોલિંગની સાથે 28 દિવસની વેલિડિટી છે, આમાં રોજ 1.5 જીબી ડેટા અને 100 એસએમએસ રોજ મળે છે.
497 રૂપિયાવાળો પ્લાન અને 297 રૂપિયાનો પ્લાન સમાન છે. જોકે, તેમાં ડબલ વેલિડિટી મળે છે. આ 56 દિવસની સાથે, રોજ 1.5 જીબી ડેટા, 100 એસએમએસ અને અનલિમિટેડ કોલિંગ ઓફર કરે છે. સૌથી મોંઘો એફઆરસી પ્લાન 697 રૂપિયાનો છે. તેની વેલિડિટી 84 દિવસની છે. આ સિવાય અનલિમિટેડ કોલિંગ, રોજ 1.5 જીબી ડેટા અને 100 એસએમએસ મળે છે.