મ્યુકોરમાયકોસિસ / બ્લેક ફંગસના ઈલાજ માટે AIIMS બનાવી રહી છે માર્ગદર્શિકા, જીવ બચાવવા દર્દીની નિકાળવી પડે છે આંખો

• AIIMS ના ડોકટરો દ્વારા તેવા દર્દીના ઈલાજ માટે હવે માર્ગદર્શિકા બહાર પાડવામાં આવશે 
• આ રીતે વધે છે બ્લેક ફંગસના કેસ
• ડો. ગુલેરિયાએ આપી છે આ વિશે વિશેષ માહિતી

AIIMS ના ડોકટરો દ્વારા તેવા દર્દીના ઈલાજ માટે હવે માર્ગદર્શિકા બહાર પાડવામાં આવશે
ભારતમાં મે મહિનાની શરૂઆતથી જ નવા સંક્રમણની શરૂઆત થઈ, જેમાં કોરોના દર્દીને બ્લેક ફંગસ જેવી ઘાતક અસર શરૂ થવા લાગી. દેશના અલગ અલગ રાજ્યોમાં આ કેસ વધતાં હવે AIIMS ના ડોકટરો દ્વારા તેવા દર્દીના ઈલાજ માટે હવે માર્ગદર્શિકા બહાર પાડવામાં આવશે. આ રાજ્યોમાં ગુજરાત, મહારાષ્ટ્ર, ઉત્તર પ્રદેશ, મધ્યપ્રદેશ, બિહાર, રાજસ્થાન, હરિયાણા, કેરળ, દિલ્હી, ઓડિશા, તેલંગાણા અને કર્ણાટકનો સમાવેશ થાય છે. આ રોગનું સંક્રમણ વધતું જઈ રહ્યું છે અને તે જીવલેણ સાબિત થઈ ગયું છે. આ વાયરસ દર્દીની આંખોને નુકશાન કરે છે, અને તેના કારણે આંખોની રોશની પણ જતી રહે છે. 

આ રીતે વધે છે બ્લેક ફંગસના કેસ
ડોક્ટર્સનું માનવું છે કે બ્લેક ફંગસના કેસ ઘટાડવા માટે કોરોના ટ્રીટમેન્ટમાં સ્ટીરોઈડનો ઉપયોગ ઘટાડવાનો રહે છે. જો દર્દીનું ઓક્સીજન લેવલ 90ની આસપાસ છે અને તમે તેને સ્ટીરોઈડ આપો છો તો તેની એક સાઈડ ઈફેક્ટ બ્લેક ફંગસના રૂપમાં સામે આવી રહી છે. ડોક્ટર્સનું માનવું છે કે જરૂરિયાતથી વધારે સ્ટીરોઈડ આપવાથી બ્લેક ફંગસનો ખતરો વધે છે.

ડો. ગુલેરિયાએ આપી છે આ વિશે વિશેષ માહિતી 
ડો. ગુલેરિયાએ કહ્યું કે લોકોમાં સામાન્ય રીતે ફંગલ ઈન્ફેક્શન નથી જોવા મળતું પરંતુ કોરોનાના કારણે તેના કેસ ખૂબ વધી રહ્યા છે. એઈમ્સમાં જ ફંગલ ઈન્ફેક્શનના 23 કેસ આવ્યા છે. તેમાંથી 20 હજુ પણ કોરોના પોઝિટીવ છે અને 3 કોરોના નેગેટિવ છે. ઘણા રાજ્યો એવા છે જ્યાં ફંગલ ઈન્ફેક્શનના 400-500 કેસ છે. તેમણે જણાવ્યું કે ફંગલ ઈન્ફેક્શન આંખ, નાક, ગળા, ફેફસા પર થઈ શકે છે. તેનાથી આંખોની રોશની, નાકમાંથી બ્લડ અને જો ફેફસામાં પહોંચી ગયો તો છાતીમાં દુખાવો જેવા લક્ષણ જોવા મળે છે. 

રોગના લક્ષણો 

એક બાજુનો ચહેરો સોજી જવો
માથાનો દુઃખાવો
નાક બંધ થવું કે સાઇનસની તકલીફ
મોઢામાં તાળવે કે નાસિકાઓમાં કાળો ગઠ્ઠો જમા થવો અને તેમાં વધારો થવો
આંખમાં દુખાવો,દ્રષ્ટિ ઓછી થવી
તાવ, કફ, છાતીમાં દુઃખાવો
શ્વાસ રૂંધાવો, પેટનો દુખાવો 
ઉબકા આવવા કે ઉલટી થવી 
આંતરડામાં રક્તસ્ત્રાવ થવો ,જેવા લક્ષણો જોવા મળે છે