સુરત બાદ અમદાવાદમાં પણ હીરા માર્કેટમાં તેજીનો માહોલ, 2 વર્ષ બાદ અમદાવાદના હીરા બજારમાં તેજીની ચમક આવી
અમદાવાદના ડાયમંડ માર્કેટમાં જામી તેજી
અમેરિકાએ ડાયમંડ આયાત ડ્યુટીમાં કર્યો ઘટાડો
આયાત ડ્યુટી 7 ટકા કરતા હીરા ઉદ્યોગને મળ્યો વેગ
ચીન અને USAનો જંગ સુરતને ફળ્યો હોય તેવુ લાગી રહ્યું છે. સુરતની અંદર ધમધોકાર હીરાનો ઉદ્યોગ ચાલી રહ્યો હતો તેની અંદર એક્સપોર્ટનું જે માર્કેટ છે તે પહેલા કરતાં વધારે જામતા હવે અમદાવાદ ડાયમંડ માર્કેટમાં પણ તેજી જોવા મળી રહી છે. શહેરની ડાયમંડ માર્કેટની તમામ ઓફિસો દલાલોના આટાફેરા વધી ગયા છે. આ ચમક 2 વર્ષ બાદ આવતા ઉદ્યોગકારોમાં અલગ જ ચમક જોવા મળી રહી છે.
અમેરિકાએ આયત ડયુટી ઘટાડી
અમદાવાદના ડાયમંડ માર્કેટમાં તેજી જામી હોવાનું કારણ અમેરિકાએ ડાયમંડ આયાત ડ્યુટીમાં ઘટાડો કર્યો છે.આયાત ડ્યુટી 7 ટકા કરતા હીરા ઉદ્યોગને બુસ્ટર ડોઝ મળ્યો છે. જેથી ભારતમાંથી એકપોર્ટ વધી ગયો છે. સુરતના ડાયમંડ ઉદ્યોગની તેજીની અસર પણ અમદાવાદના માર્કેટમાં જોવા મળી રહી છે.
ડાયમંડ અને જ્વેલરીનું એકપોર્ટ સીધું ડબલ: મગનભાઇ, પ્રમુખ, અમદાવાદ ડાયમંડ એસો.
અમદાવાદ ડાયમંડ એસોસીએશન પ્રમુખ મગનભાઇનું કહેવું છે કે કોરોના બાદ હીરા ઉદ્યોગની બજાર ખૂબ જ ખૂલી છે. શરૂઆતથી જ આ ઉદ્યોગમાં તેજી રહી છે. રશિયા અને યુક્રેનનું યુદ્ધ થયું તે કારણે પણ હીરા ઉદ્યોગને તેજી મળી છે. નાની નાની જ્વેલરીની ડિમાન્ડ પણ ઈન્ટરનેશન માર્કેટમાં ખૂબ વધી રહી છે આથી તે ઉદ્યોગ પણ ફૂલ્યો ફાલ્યો છે. સીધી રીતે જોવા જઈએ તો હાલમાં ડાયમંડ અને જ્વેલરીનું એકપોર્ટ સીધું ડબલ થઈ ગયું છે. માટે ઉયોગકારો બમણા વેગે કામ કરી રહ્યા છે પણ ડાયમંડ અને જ્વેલરી બંને ઉદ્યોગોમાં કારીગરોની ખૂબ જ અછત વ્યાપી છે.