અમદાવાદના મણિનગરમાં સ્પાની આડમાં ચાલતા સેકસ રેકેટનો પોલીસે પર્દાફાશ કર્યો છે. મણિનગરના જવાહર ચોક નજીક આવેલા કોમ્પલેક્સમાં કોહિનૂર સ્પામાં છેલ્લાં 6 મહિનાથી સ્પાની આડમાં ગોરખધંધા ચાલતા હોવાની બાતમી પોલીસને મળતા પોલીસે દરોડા પાડીને કાર્યવાહી હાથ ધરી હતી.
પોલીસે આ રેડ દરમિયાન ચાર યુવતી અને 3 યુવકની ધરપકડ પણ કરી છે. આ રેકેટની મુખ્ય આરોપી મહિલા બીલખિસબાનુ છેલ્લાં છ મહિનાથી આ ગોરખધંધો ચલાવી રહી હતી.
બીલખિસબાનુ બોમ્બેની રહેવાસી છે અને હાલ અમદાવાદના જશોદાનગર વિસ્તારમાં રહે છે. તો સમગ્ર રેકેટને લઈને હાલ પોલીસે ગુનો નોધી આગળની કાર્યવાહી હાથ ધરી છે.
અત્રે ઉલ્લેખનીય છે કે આ સ્પા સેન્ટર છેલ્લા 6 મહિનાથી ચાલતું હતું. તેમજ આ મહિલા મુંબઇની રહેવાસી છે અને હાલ શહેરના જશોદાનગરમાં રહે છે. આજરોજ પોલીસે દરોડા પાડ્યા તે સમયે આ સ્પામા મસાજ કરાવતા યુવક-યુવતીઓ અર્ધનગ્ન અવસ્થામાં ભાગ્યા હતાં. જોકે પોલીસે તેમની અટકાયત કરી અને પૂછપરછ હાથ હતી.