ગજબ / અમદાવાદ: પોતાનો જ પતિ પત્નીને કહેતો કે દ્રોપદીની જેમ કેમ ન રહે? આખરે મામલો પોલીસ સ્ટેશને પહોંચ્યો

• અમદાવાદમાં મહિલાઓ પર અત્યાચારના કેસ વધ્યા
• મહિલા પોલીસ સ્ટેશનમાં સાસરિયાઓ વિરુદ્વ ફરિયાદ
• પતિ મહિલાને દ્રોપદીની જેમ રહેવાનું કહેતા ફરિયાદ

અમદાવાદમાં મહિલાઓ કેટલી સલામત? આ અંગે સવાલો ઉઠી રહ્યા છે. છેલ્લા કેટલાક દિવસથી એક પછી એક માઠા સમાચાર સામે આવી રહ્યા છે. મહિલાઓની છેડતી, હેરેસમેન્ટ અને ઘરેલુ હિંસાના કિસ્સાઓએ એ માઝા મૂકી છે. ત્યારે અમદાવાદનનો આ કિસ્સો ખરેખર અજીબો ગરીબ છે. 

અમદાવાદ મહિલા પોલીસ સ્ટેશનમાં એક મહિલા એ ફરિયાદ નોંધાવી છે. પરિણીતાએ સાસરિયાઓ વિરુદ્વ ફરિયાદ કરી છે. અને એનું કારણ જે છે તે ખરેખર ચોંકાવનારૂ છે. મહિલાનો પતિ મહિલાને દ્રોપદીની જેમ રહેવાનું કહેતા તેણે પોલીસની મદદ લેવી પડી હતી. દહેજની પણ માંગણી કરવામાં આવતી હોવાનો મહિલા દ્વારા આક્ષેપ કરવામાં આવી રહ્યો છે. 

દહેજ મામલે અને પ્રતાડના મામલે પતિ સહિત 9 સાસરિયાઓ સામે ફરિયાદ નોંધાઇ છે. મહિલા પોલીસે ગુનો નોંધી તપાસ શરૂ કરી છે.