પતિ-પત્નીનો સંબધ ખૂબ નાજૂક અને ખાસ હોય છે. એવામાં અમદાવાદમાં એક એવો કિસ્સો સામે આવ્યો છે જે જાણીને તમે ચોંકી જશો.
પતિને રંગે હાથ ઝડપ્યો
સસરા છે સરકારી અધિકારી
સસરા રાતે બારણું ખુલ્લુ રખાવતા
પતિ-પત્નીનો સંબધ ખૂબ નાજૂક અને ખાસ હોય છે. એવામાં અમદાવાદમાં એક એવો કિસ્સો સામે આવ્યો છે જે જાણીને તમે ચોંકી જશો. એક પરિણિતા લગ્ન બાદ પણ વર્જિન હતી અને તપાસમાં એવું કારણ ખુલ્યુ જે સાંભળી બે ઘડી પોલીસ પણ વિચારમાં પડી ગઈ હતી.
અમદાવાદના વેજલપુરની પરિણીત યુવતીએ પતિ સમલૈંગિક હોવા છતાં લગ્ન કરાવી સાસરિયાંએ છેતરપિંડી કરી હોવાની તથા ઘરેલુ હિંસાની પોલીસ ફરિયાદ સુરેન્દ્રનગર મહિલા પોલીસમાં નોંધાવી છે.
શું છે મામલો?
વેજલપુરમાં રહેતી યુવતી ખુશ્બુ ( નામ બદલ્યું છે )નાં લગ્ન પાલડીમાં રહેતા યુવક કિંજલ ( નામ બદલ્યું છે ) સાથે થયાં હતાં. લગ્ન બાદ પતિ શરીર સંબંધ બાંધવાથી દૂર રહેતો હતો. આ દરમિયાન ખુશ્બુએ કિંજલ નો મોબાઇલ તપાસતા તેમાં અન્ય પુરુષો સાથેની અશ્લીલ ચેટ જોવા મળી હતી. આથી કિંજલ સજાતીય સંબંધ ધરાવતો હોવાની શંકા ગઈ હતી. કિંજલના મોબાઇલમાંથી પત્નીને ગ્રાઇન્ડર એપ કે જે સમલૈંગિક માટેની ડેટિંગ એપ છે તે પણ મળી હતી. આથી પત્નીએ એપ અંગે પતિને પૂછતાં તેણે સજાતીય હોવાનો ઇનકાર કર્યો હતો.
પતિને રંગે હાથ ઝડપ્યો
ખુશ્બુએ પણ પોતાના મોબાઇલમાં ગ્રાઇન્ડર એપ ડાઉનલોડ કરી ફેક આઈડી બનાવી કિંજલ સાથે છોકરો બની વાતો કરવાનું શરૂ કર્યું હતું. એક દિવસ કિંજલએ ચેટિંગ વખતે રિવરફ્રન્ટ પર મળવાની વાત કરી હતી. કિંજલ રિવરફ્રન્ટ પર મળવા ગયો ત્યારે ખુશ્બુને જોઈ ચોંકી ગયો હતો અને માફી માગી કહ્યું હતું કે, ‘હું સજાતીય છું, માતાપિતાએ મારી ઇચ્છા વિરુદ્ધ લગ્ન તારી સાથે કરાવી દીધાં છે.’
સસરા છે સરકારી અધિકારી
ખુશ્બુએ સાસુ અને નાયબ મામલતદાર તરીકે ફરજ બજાવતા સસરાને વાત કરતા તેમણે કહ્યું હતું કે, ‘તું કોઈને કહીશ તો બદનામ કરી દઈશું. અમારો પુત્ર બ્રહ્મચર્યનું પાલન કરે છે.’ આ બાબતે ઝઘડો થતાં તેને ઘરમાંથી કાઢી મુકાઈ હતી, જેથી તે સુરેન્દ્રનગરમાં રહેતા તેના કાકાને ઘરે જતી રહી હતી. અને પોલીસ ફરિયાદ નોંધાવી હતી
લગ્ન થયા અને શરીરસંબંધનો દેખાડો કર્યો, પણ હું વર્જિન છું
પત્નીએ ફરિયાદમાં ઉલ્લેખ કર્યો છે કે, મારી સગાઈ બાદ લગ્ન ખૂબ ઉતાવળમાં થતાં પતિ સાથે ક્યાંય બહાર જઈ શકાયું ન હતું. 2019માં ફેબ્રુઆરીથી સપ્ટેમ્બર દરમિયાન મારી સાથે પાંચથી છ વખત શરીર સંબંધ બાંધવાનો દેખાડો કર્યો. લેહ લદાખ ફરવાં ગયાં ત્યારે પણ મારા પતિ મારી સાથે બેસતા ન હતા અને સૂવા પણ આવતા ન હતા. હું વર્જિન છું. 28 ફેબ્રુઆરીએ લગ્ન થયાં હતાં. લગ્નની પહેલી રાત્રે તેઓ ફાર્મ હાઉસમાં હતાં, પરંતુ ત્યાં જેઠ અને જેઠાણી પણ સાથે આવ્યાં હતાં. વહેલી સવારે 4.30 સુધી ચારેય એક રૂમમાં હતાં અને વિવિધ ગેમ્સ રમતાં હતાં. સવારે 6.30 વાગ્યે પૂજા રાખી હોવાથી 4.30 વાગ્યે સૂઈ ગયાં હતાં. જ્યારે દરરોજ રાત્રે સસરા બેડરૂમનું બારણું ખુલ્લું રખાવતા હતા.