અમદાવાદ / ઉદગમ સ્કૂલની મનમાની, 'તમે ફી નથી ભરી એટલે તમારા દીકરાનું ઓનલાઇન શિક્ષણ બંધ', વોટ્સએપ ગૃપમાંથી પણ કર્યા રિમુવ

• અમદાવાદમાં ઉદગમ સ્કૂલની ફી અંગે મનમાની
• ફી ન ભરનાર વાલીઓને સ્કૂલના વોટ્સએપ ગૃપમાંથી રિમુવ કર્યા
• ફી ન ભરનાર વિદ્યાર્થીઓને ઓનલાઈન ક્લાસમાંથી હટાવ્યા

ઓનલાઇન શિક્ષણ ફરી શરૂ કરનાર અમદાવાદના થલતેજમાં આવેલી ઉદગમ સ્કૂલની દાદાગીરી સામે આવી છે.  ફી ન ભરનાર વાલીઓને સ્કૂલના વોટ્સએપ ગૃપમાંથી રિમુવ કર્યા છે. સાથે ફી ન ભરનાર વિદ્યાર્થીઓને ઓનલાઇન ક્લાસમાંથી હટાવ્યા છે. સ્કૂલે વિદ્યાર્થીઓને ઓનલાઇન ક્લાસમાંથી બાકાત કર્યા છે. ફી ન ભરનારા વિદ્યાર્થીઓના ઓનલાઇન એકાઉન્ટ બંધ કરી દીધા છે. કેટલાક વાલીઓએ ફરિયાદ કરી છે કે, શાળા દ્વારા વોટ્સએપ ગૃપમાંથી રિમૂવ કરી દેવાયા છે. ઓનલાઇન શિક્ષણ પણ બંધ કરી દીધું છે.

અમદાવાદમાં આજથી ઓનલાઇન શિક્ષણનો પ્રારંભ

અત્રે ઉલ્લેખનીય છે કે, અમદાવાદમાં આજથી ઓનલાઇન શિક્ષણનો પ્રારંભ થયો છે. ખાનગી શાળાઓએ ઓનલાઇન શિક્ષણ શરૂ કર્યું છે. શાળા સંચાલકોની લડત યથાવત રહેશે. વિદ્યાર્થી-શિક્ષકોના હિતોને ધ્યાને રાખી નિર્ણય લેવાયો છે. 16 લાખથી વધુ વિદ્યાર્થીઓ ઓનલાઇન શિક્ષણ લઇ રહ્યાં છે. જોકે શાળા સંચાલકોની માગ ધ્યાને લેવા માગ કરાઇ છે.