અમદાવાદ / સારી બ્રાન્ડના કાફેમાં ખાતા પહેલાં ચેતજો ! TGBની કોફીમાં ક્રશ થયેલાં વંદા નીકળ્યાં અને કેકમાં મરેલાં મચ્છર

જેમની કોફીમાંથી વંદા નીકળ્યાં હતા તે ગાયત્રી જોષીના કહ્યું કે ‘રસ્તા પર મળતી કોફી ગંદી હશે એવું માની આપણે સારી બ્રાન્ડના સ્ટોરમાં જતાં હોય છીએ પણ મંગળવારે મારી સાથે એવી ઘટના બની કે અમે કોફી અને કેક મંગાવી હતી. મેં થોડી કોફી પીધા પછી મને લાગ્યું કંઈક ખરાબ છે તો તરત જ જોયું ત્યાં કોફીમાંથી ક્રશ થયેલાં વંદાના અવશેષો મળ્યા. જ્યારે એક કેકમાંથી મરેલાં મચ્છરો પણ દેખાયાં છે.’

આ ઘટના બાદ TGB કાફેના મેનેજરે ગાયત્રીના હાથમાંથી કોફી લઈ ફેંકવાનો પ્રયત્ન કર્યો હતો. કે જેથી સમગ્ર મામલો દબાવી શકાય પરંતુ એવું શક્ય બન્યું ન હતું. પાણીપુરી વાળાઓને એપ્રોન અને હાથ મોજા ન પહેર્યા હોય તો તાત્કાલિક દંડ કરનારા AMCના અધિકારીઓ હાલ ક્યાં ખોવાઈ ગયા છે. શું મોટી બ્રાન્ડને કોઈ પણ વસ્તુ ખરાબ ખવડાવી દે તો પણ એક્શન નહીં લેવાનું એવું અધિકારીઓએ પ્રણ લીધું હોય તેવું આ ઘટના બાદ દેખાઈ રહ્યું છે.