અમદાવાદ: વેસ્ટર્ન ડિસ્ટર્બન્સ પસાર થયા બાદ અમદાવાદ સહિત ગુજરાતમાં ઠંડીનું જોર વધ્યું છે. આગામી બે દિવસ રાજ્યમાં ઠંડીનું જોર ઘટશે અને 18થી 22 ડિસેમ્બર વચ્ચે અમદાવાદમાં ઠંડીનો પારો 10 ડિગ્રી નીચે જવાની શક્યતા હવામાન વિભાગે કરી છે.
શનિવારે 11.2 ડિગ્રી સાથે અમદાવાદમાં સિઝનનું સૌથી ઓછું લઘુતમ તાપમાન નોંધાયું હતું.અફઘાનિસ્તારમાં વેસ્ટર્ન ડિસ્ટર્બન્સની સાથે બંગાળની ખાડીમાં અપર એર સાયક્લોનિક સરક્યુલેશન સર્જાયું છે. જેથી ઠંડા પવનનું જોર વધ્યું છે પણ વેસ્ટર્ન ડિસ્ટર્બન્સથી ઠંડા પવનનું જોર ઘટશે.
જેથી બે દિવસ ઠંડકમાં ઘટાડો થશે અને 17 ડિસેમ્બરે વેસ્ટર્ન ડિસ્ટર્બન્સ પસાર થયા બાદ અમદાવાદ સહિત રાજ્યભરમાં ફરીથી ઠંડીનું જોર વધશે. હાલ ડીસા 9.2 ડિગ્રી સાથે નલિયા સૌથી ઠંડું શહેર છે.
જ્યારે અમદાવાદમાં પણ 10 ડિગ્રીની નીચે પારો જવાની શક્યતા છે. આપને જણાવી દઇએ કે ઠંડીથી બચવા લોકો ગરમ કપડાં સહિત સ્વાસ્થ્યની સંભાળ રાખતા નજરે ચઢ્યા હતા તો કેટલાક લોકોએ ઘરમાંથી કામકાજ સિવાય બહાર નિકળવાનું જ ટાળ્યું હતું.