હંગામો / અમદાવાદની LD આર્ટ્સ કોલેજમાં વિદ્યાર્થીઓએ પ્રિન્સિપાલની ઓફિસમાં કરી તોડફોડ, નોંધાઈ ફરિયાદ

• અમદાવાદની LD આર્ટ્સ કોલેજમાં તોડફોડ
• વિદ્યાર્થીઓએ પ્રિન્સિપાલની ઓફિસમાં કરી તોડફોડ 
• LD આર્ટ્સ કોલેજમાં વિદ્યાર્થીઓએ કર્યો હોબાળો 

અમદાવાદમાં શિક્ષણ અને સરસ્વતીના ધામ સમાન LD આર્ટ્સ કોલેજમાં તોડફોડની ઘટના સામે આવી છે. વિદ્યાર્થીઓએ દાદાગીરી કરી પ્રિન્સિપાલની ઓફિસમાં તોડફોડ અને ખુરશીઑના ઘા કરતા પ્રિન્સિપાલે ગુજરાત યુનિવર્સિટી પોલીસ મથકમાં ફરિયાદ નોંધાવી હતી. જેને લઈને પોલીસે કાર્યવાહી હાથ ધરી છે.

પ્રિન્સિપાલે ગુજરાત યુનિવર્સિટી પોલીસ સ્ટેશનમાં નોંધાવી ફરિયાદ 
LD આર્ટ્સ કોલેજમાં વિદ્યાર્થીઓ તોફાન કરતા હોવાથી અન્ય વિદ્યાર્થીઓ અને શિક્ષકો પરેશાન હતા. અમુક વિદ્યાર્થીઑ અધ્યાપકો, વિદ્યાર્થીનીઓને હેરાન કરવા, છરી સાથે કલાસમાં જવું, મહીલા અધ્યાપકો ભણાવતા હોય ત્યારે ચાલુ કલાસે ક્લાસના દરવાજા બંધ કરી દેવા સહીતના અનેક પ્રવુતિઓ કરતાં હતા. આ મામલે પ્રિન્સિપાલ મહિપતસિંહ ચાવડાએ તોફાની વિદ્યાર્થીઑને પોતાની ચેમ્બરમાં બોલાવ્યા જ્યાં પ્રિન્સિપાલે શિખામણ આપતા વિદ્યાર્થીએ પિત્તો ગુમાવ્યો હતો.જે વેળાએ  ત્રીજા વર્ષમાં આર્ટ્સમાં અભ્યાસ કરતાં અર્જુન રબારી નામના વિદ્યાર્થીએ કેબિનમાંથી પોર્ટનો છુટ્ટો ઘા કર્યો હતો. વધુમાં કેબિન બહાર નીકળી ખુરશીનો ઘા કરતા ખુરશી કાચ તોડી ઓફિસમાં  પડી હતી. જેમાં પ્રિન્સીપાલ માંડ બચ્યા હતા. ત્યારબાદ ત્રણેય વિદ્યાર્થીઑ નાશી છૂટયા હતા.  આ ઘટનાને લઇને કોલેજ  સંકૂલમાં સોંપો પડી ગયો હતો. 

અનેક ફરિયાદ છતાં સુધરવાનું નામ ન લેતા તોફાની તત્વો
આ મામલે પ્રિન્સિપાલ મહિપતસિંહ ચાવડાએ ગુજરાત યુનિવર્સિટી પોલીસ મથકમાં  NSUI સાથે જોડાયેલા છે.L.D કોલેજમાં રબારી અર્જુન, રબારી ઝીલ અને દેસાઈ આકાશ વિરુદ્ધ ફરિયાદ નોંધાવી હતી.  ઉલ્લેખનીય છે કે આ શખ્સો વિરુદ્ધ અગાઉ પણ અનેક ફરિયાદ ઉઠી હોવા છતા વગને કારણે તેનો વાળ વાંકો ન થતો હોવાનો અને પોલીસ પણ નમતું જોખતી હોવાની ફરિયાદ ઉઠી છે.  એટલું જ નહિ આ ત્રણેય વિદ્યાર્થીઓ છોકરીઓના ફોટા લઈને ફોરવર્ડ કરતાં હોવાની તથા કોલેજના ગ્રુપમાંથી નંબર લઈને ગંદા મેસેજ કરવા અને છોકરીઓની પાછળ જવા સહીતની તેઓની કરતૂતથી છોકરીઑ પણ ડર અનુભવી રહી છે. જે અંગે ઘટતું કરવા માંગ ઉઠી છે.