ગુજરાત સરકારે કોરોના મહામારી વચ્ચે લોકડાઉન જાહેર કરવામાં આવતાં આરટીઓ કચેરી બંધ રહી હોવાથી ઘણા અરજદારોને લર્નિંગ લાયસન્સ રિન્યુ સહિત અનેક કામગારીમાં અસુવિધા થઇ. જેના કારણે હવે સરકારે સમય મર્યાદા પૂર્ણ થઇ હોય તેવા અરજદારો લર્નિંગ લાયસન્સ માટે 150 રૂપિયા ભરી ફરી રીન્યુ કરાવી શકશે.
લર્નિગ લાયસન્સને લઇને RTOના મહત્વના સમાચાર
150 રૂપિયા ભરી લર્નીગ લાયસન્સ કરી શકાશે રીન્યુ
સમય મર્યાદા પૂર્ણ થઇ હોય તેવા અરજદારો કરી શકશે રીન્યુ
રાજ્ય સરકાર દ્વારા લર્નિંગ લાયસન્સને રિન્યુ કરાવાને લઇને મોટો નિર્ણય લેવામાં આવ્યો છે. સરકારે અરજદારોની સુવિધા માટે સમય મર્યાદા વધારી દીધી છે.
લર્નિગ લાયસન્સ ઘરાવતા લોકો માટે સારા સમાચાર છે. લર્નીગ લાયસન્સ 150 રૂપિયા ભરીને રિન્યુ કરાવી શકાશે. જો કે રિન્યુ કરાવ્યા બાદ 6 મહીનાનની સમય મર્યાદા વધી જશે.
પાકા લાયસન્સ માટે ફરીથી ફી ભરવાની રહેશે.પાકા લાયસન્સ માટેની પ્રોસેસમાં કોઇ બદલાવ નથી થયો. લોકડાઉન દરમિયાન આરટીઓ કચેરી બંધ હતી તેથી વેઇટિંગની યાદી લાંબી હોવાથી અરજદારની સુવિધા માટે સમય મર્યાદા વધારી દીધી છે.