અમદાવાદ: મોંઘવારીનો માર પેટ્રોલ-ડીઝલની કિંમતમાં ફરી ઝીંકાયો ભાવ વધારો

અમદાવાદ: આજે ફરીથી પેટ્રોલ અને ડીઝલના ભાવમાં વધારો થયો છે. પેટ્રોલના ભાવમાં 10 પૈસા અને ડીઝલના ભાવમાં 28 પૈસાનો વધારો થયો છે. અમદાવાદમાં પેટ્રોલનો ભાવ વધતા પેટ્રોલનો ભાવ રૂ. 79.41 પ્રતિ લીટરે પહોંચ્યો છે. તો ડીઝલનો ભાવ રૂ. 78.23 પ્રતિ લીટરે પહોંચ્યો છે. ત્યારે ફરી એક વાર આમ નાગરિકો પર મોંઘવારીનો માર ઝીંકાયો છે. 

ઉલ્લેખનીય છે કે પેટ્રોલ ડીઝલના ભાવમાં ઘટાડા થયાં બાદ ફરી વધારો થઈ રહ્યો છે. જેના કારણે લોકોમાં રોષ જોવા મળી રહ્યો છે.

લોકો કહી રહ્યા છે કે જો સરકારને ફરી વધારો જ કરવો હતો તો કેમ ઘટાડો કરવામાં આવ્યો. જેવી રીતે ભાવ વધી રહ્યા છે તેનાથી તો એમ જ લાગી રહ્યુ છે કે આગામી 5 અથવા 6 દિવસોમાં ફરી એનાથી પણ ભાવ વધી જશે.
 

Petrol and diesel prices in #Delhi are Rs 82.48 per litre (increase by Rs 0.12) and Rs 74.90 (increase by Rs 0.28) respectively. Petrol and diesel prices in #Mumbai are Rs 87.94 per litre (increase by Rs 0.12) and Rs 78.51 per litre (increase by Rs 0.29) respectively. pic.twitter.com/a6xLXlTH6y

— ANI (@ANI) October 12 2018

આપને જણાવી દઇએ કે ગત માસે થોડા દિવસ સુધી સતત પેટ્રોલ-ડીઝલના ભાવમાં વધારો થઇ રહ્યો હતો. આ ભાવ વધારાને કારણે પ્રજા પરેશાન થઇ ગઇ હતી.

અંતે રાજ્ય સરકાર અને કેન્દ્ર દ્વારા 2.50 રૂપિયાનો ઘટાડો કર્યો હતો.જો કે આ ઘટનાના 3 દિવસ બાદ જ પેટ્રોલમાં 19 પૈસાનો ભાવ વધારો અને ડીઝલમાં 29 પૈસાનો ભાવ વધારો થતાં પ્રજા ત્રાહિમામ પોકારી ગઇ હતી.