કોર્પોરેશન / અમદાવાદમાંથી પાર્કિંગના પ્રોબ્લેમ હવે પુરા, AMCએ 16 ઓવરબ્રિજ નીચેની જગ્યા પાર્કિંગ માટે ફાળવી

• અમદાવાદમાં 16 બ્રિજનાં ટેન્ડર બહાર પડાયાં
• ઓવરબ્રિજ નીચેની 40 ટકા જગ્યા પાર્કિંગ માટે ભાડે અપાશે
• પે એન્ડ પાર્કના મામલે તંત્રને સરિયામ નિષ્ફળતા

શહેરમાં દિન-પ્રતિદિન વકરતી ટ્રાફિક સમસ્યાના નિરાકરણ માટે હાઇકોર્ટની લાલ આંખના પગલે બે વર્ષ પહેલાંથી તંત્રએ નવા પાર્કિંગ પ્લોટ શોધવાની કવાયત હાથ ધરી હતી, જે હેઠળ કુલ ૭૮ પ્લોટ પસંદ કરી ત્યાં પે એન્ડ પાર્ક બનાવવાની તજવીજ શરૂ કરી હતી, પરંતુ પે એન્ડ પાર્કના મામલે તંત્રને સરિયામ નિષ્ફળતા મળી છે. 

બીજી તરફ ફલાય ઓવરબ્રિજ કે રેલવે ઓવરબ્રિજ જેવા વિભિન્ન બ્રિજ નીચેની જગ્યામાં પે એન્ડ પાર્ક માટે આકર્ષક ઓફર ન આવતાં સત્તાવાળાઓએ લોકોને પાર્કિગની સગવડ પૂરી પાડવા રેવન્યૂ શેરિંગ બેઝનો નવો અભિગમ અપનાવ્યો છે, જે હેઠળ ઓફર કરનારે તંત્રને આપવાની થતી રપ ટકા અપસેટ ટકાવારી કે તેથી વધુ ટકાવારીની ઓફર આપી શકશે, જોકે સત્તાધીશોએ પે એન્ડ પાર્ક મામલે નવી પાર્કિંગ પર‌િમટ પણ દાખલ કરી છે.

ઉદાહરણ તરીકે ઇન્કમટેકસ ફલાય ઓવરબ્રિજની નીચેની પાર્કિંગની જગ્યા આસપાસની કોઇ કેન્દ્રીય સંસ્થા કે ખાનગી બેન્ક કે કોર્પોરેટ કંપની પોતાના સ્ટાફનાં વાહનના પાર્કિંગ માટે પર‌િમટ મેળવી શકશે.

ક્યા બ્રિજને પાર્કિંગ પર‌િમટ હેઠળ આવરી લેવાયા

• સોલા રેલવે ઓવરબ્રિજ
• ગોતા રેલવે ઓવરબ્રિજ
• હેલ્મેટ ઓવરબ્રિજ
• ડૉ.આંબેડકરબ્રિજ
• રાણીપ રેલવે ઓવરબ્રિજ
• ઇન્કમટેકસ ફલાય ઓવરબ્રિજ
• એઇસી ઓવરબ્રિજ
• ઠક્કરબાપાનગરબ્રિજ
• બાપુનગર ફલાય ઓવરબ્રિજ
• સીટીએમબ્રિજ
• ઇસનપુરબ્રિજ 
• ગુરુજીબ્રિજ
• સોનીની ચાલી ચાર રસ્તા
• હાટકેશ્વર બ્રિજ 
• સીટીએમબ્રિજ
• જશોદાનગરબ્રિજ
• શિવરંજની ઓવરબ્રિજ