અમદાવાદ: યુવકના ખિસ્સામાં પડેલ મોબાઇલમાં થયો બ્લાસ્ટ સામાન્ય ઇજા

અમદાવાદમાં એક યુવકના મોબાઈલમાં બ્લાસ્ટ થયાની ઘટના સામે આવી છે. યુવકે પોતાના ખીસ્સામાં મોબાઈલ મૂક્યો હતો. ત્યારે મોબાઈલ બ્લાસ્ટ થયો હતો. મોબાઈલ બ્લાસ્ટ થતાં યુવકને ઈજા પહોંચી છે. જેથી તેને સારવાર અર્થે હોસ્પિટલમાં ખસેડવામાં આવ્યો છે. યુવકનો મોબાઈલ ચાઈનીઝ કંપનીની બનાવટનો હોવાનું સામે આવ્યું છે. 

આ ઘટના અંગે મળેલ જાણકારી અનુસાર શહેરના વસ્ત્રાલ વિસ્તારમાં રહેતા સોનુ ભૂપ નામનાં એક યુવાનના ખિસ્સામાં રાખેલ સ્માર્ટફોન અચાનક બ્લાસ્ટ થતાં યુવકને ઇજા થઈ હતી. જ્યારે યુવક બાઇક લઇને રસ્તા પરથી પસાર થઇ રહ્યો હતો ત્યારે ખીચામાં પડેલ મોબાઇલમાં બ્લાસ્ટ થતાં યુવકનો જીવ પડીકે બંધાયો હતો.