ચેતવનારો કિસ્સો / વોટ્સએપ પર મેસેજ ફરતો કર્યો કે 'ફ્રી' ઇનરવેર જોઇતા હોય તો કપડાં વગરના ફોટો મોકલો, એક મહિલાએ કર્યું આ કામ અને...

• અમદાવાદ સાયબર ક્રાઈમ બ્રાન્ચે આરોપીની કરી ધરપકડ
• મહિલાઓને મફતમાં ઇનરવેર આપવાનું કહીને તેના કપડાં વગરના ફોટો મેળવી બ્લેકમેલ કરતો
• સુરજ ગાવલેની 2 અલગ અલગ મોડસ ઓપરેન્ડી હતી

આરોપી સુરજ ગાવલે વિરૂદ્ધ એક મહિલાએ અમદાવાદ સાયબર ક્રાઈમ બ્રાન્ચમાં ફરિયાદ નોંધાવી હતી. જેમાં તેને મહિલાના કપડાં અને કપડાં વગરના ફોટો મેળવી તેમને વોટ્સએપમાં બીભત્સ મેસેજ કરી અને વીડિયો મોકલી બ્લેકમેલ કરતો હતો. જેના આધારે સાયબર ક્રાઈમ બ્રાન્ચે આરોપીની ધરપકડ કરી તપાસ શરૂ કરી હતી. જેમાં જાણવા મળ્યું કે આરોપી અલગ અલગ રીતે મેસેજ કરી મહિલાઓને ફ્રીમાં ઇનરવેર આપવાનું કહી તેમની પાસેથી ફોટો મંગાવી બ્લેકમેલ કરતો હતો.

સાયબર ક્રાઈમ બ્રાન્ચે તપાસ શરૂ કરી તો જાણવા મળ્યું છે કે આરોપીઓની સાથોસાથ શ્રી રામ ફાઇનાન્સ ગ્રુપમાંથી લોન આપવાના બહાને છેતરપિંડી પણ કરતો હતો. સાયબર ક્રાઈમ બ્રાન્ચમાં એક ફરિયાદીએ ફરિયાદ આપી હતી કે આરોપીએ વાર્ષિક 1.2ના ટકા દરે લોન અપાવે છે. તેમની પાસેથી 1.36 લાખની છેતરપિંડી કરી તેમને લોન નહીં અપાવી છેતરપિંડી કરી હતી. જેથી આરોપીની બંને ગુનામાં ધરપકડ કરી છે.

આરોપીની તપાસમાં સામે આવ્યું છે કે આરોપી 12 સુધીનો અભ્યાસ કરેલ છે અને તેને અત્યાર સુધી કેટલા લોકો સાથે છેતરપિંડી કરેલ છે. તેની પણ તપાસ કરવામાં આવી રહ્યું છે. આ મામલે ACP સાયબર ક્રાઈમ જે.એમ.યાદવનું જણાવ્યું હતું કે, તપાસ હાલ ચાલી રહી છે અને આ મામલે તપાસમાં વધુ વિગતો સામે આવશે.