અમદાવાદ / વડોદરાના ભટનાગર બંધુઓ દ્વારા બેન્કોનું ફૂલેકું ફેરવવામાં અમદાવાદ કનેક્શન

• અમદાવાદમાં બોગસ બિલને લઇને CBIની મોટી કાર્યવાહી
• આર્કોન એન્જિકોન પ્રા.લિ. પર CBIના દરોડા
• ડાયમંડ પાવર ઈન્ફ્રા લિ.ના 1200 કરોડના બોગસ બિલ સંદર્ભે તપાસ

અમદાવાદમાં બોગસ બિલને લઈને CBIએ કાર્યવાહી હાથ ધરી હતી. અમદાવાદની આર્કોન એન્જિકોમ લિ. નામની કંપની પર CBIએ આજે દરોડા પાડ્યા હતા. કંપનીની ગુરુકૂળ રોડ પર આવેલી ઓફિસ પર સીબીઆઇના અધિકારીઓ દ્વારા આજે તપાસ હાથ ધરવામાં આવી હતી અને અનેક ડોક્યુમેન્ટ્સ જપ્ત કરવામાં આવ્યા હતા. વડોદરાના ચકચારી ભટનાગર બંધુઓએ બેન્કોના હજારો કરોડનું ફૂલેકુ ફેરવ્યું હતું. 

ભટનાગર બંધુઓની કંપની ડાયમન્ડ પાવર ઇન્ફ્રાસ્ટ્રક્ચર લિ.એ જે બોગસ બિલો મૂકીને લોન લીધી હતી. તે બિલોમાં અમદાવાદની આર્કોન એન્જિકોનના બિલ પણ સામેલ હોવાથી સીબીઆઇ દ્વારા તપાસ હાથ ધરવામાં આવી છે. ડાયમન્ડ પાવર કેસમાં અગાઉ એન્ફોર્સમેન્ટ ડિરેક્ટોરેટ દ્વારા દાખલ કરવામાં આવેલી જેમાં લગભગ એકવીસો પાનાંની ચાર્જશીટમાં પણ આર્કોન એન્જિકોનનો ઉલ્લેખ કરવામાં આવ્યો હતો. આવતીકાલે પણ સીબીઆઇની તપાસ ચાલુ રહેવાની શક્યતા છે.