IPLIN
 

અમદાવાદ / સોલા સિવિલમાં દિકરાનો જન્મ થયો અને 1 કલાક બાદ ડૉક્ટરે આવીને કહ્યું તમારે તો દિકરી જન્મી, પરિવારે કરી આ માંગ

Team VTV 04:43 PM, 17 Jul 20 | Updated: 05:09 PM, 17 Jul 20
Follow us
Ahmedabad Civil Hospital deadly negligence change babies

અમદાવાદની સિવિલ હોસ્પિટલની અનેકવાર બેદરકારી સામે આવી છે. ત્યારે ફરી સોલા સિવિલની ઘોર બેદરકારી સામે આવી છે. પ્રસુતિ બાદ બાળકો બદલાયા હોવાનું સામે આવ્યું છે. મળતી માહિતી અનુસાર, દિકરાનો જન્મ થયા અને 1 કલાક બાદ કહ્યું કે તમારે તો દિકરી જન્મી છે.

  • અમદાવાદની સોલા સિવિલ હોસ્પિટલમાં બદલાયું બાળક 
  • બાળક બદલાયા અંગેની અરજી સોલા પોલીસ મથકે નોંધાઇ ફરીયાદ
  • દિકરાનો જન્મ થયો હોવાનું તબિબોએ જણાવ્યું હતું 

અમદાવાદની સોલા સિવિલ હોસ્પિટલમાં બાળક બદલાય ગયાની વિચિત્ર ઘટના બની છે. બાળક બદલાયા અંગેની અરજી સોલા પોલીસ મથકે નોંધવામાં આવી છે. બાળકના જન્મ બાદ રાત્રે બાળક બદલાયાનો આક્ષેપ થયા છે. દિકરાની જગ્યાએ દિકરી આપી હોવાનો પરિવારે આક્ષેપ કર્યો છે. તેમજ દિકરાનો જન્મ થયો હોવાનું તબિબોએ જણાવ્યું હતું. પરંતુ ત્યારબાદ તબિબોએ દિકરી જન્મી હોવાનું જણાવ્યુ હતું. પરિવારજનોએ કહ્યું કે, અમારે દિકરો હોય કે દિકરી અમને કોઇ વાંધો નથી પરંતુ હોસ્પિટલ દ્વારા બાળકો બદલવામાં આવ્યા છે જેથી અમે આ અંગે પોલીસની મદદ લીધી છે. આ અંગે પરિવારને શંકા જતા સોલા પોલીસ મથકે અરજી નોંધવામાં આવી છે.

પરિવારજનોએ આક્ષેપ લગાવ્યો છે કે, ડૉક્ટરે જ બાળકો બદલ્યા છે. જોકે આ ઘટના બાદ બાળક અને માતાના DNA રિપોર્ટ લેવાયા હતા અને કેસને સોલ્વ કરવાનો પ્રયત્ન કરવામાં આવ્યો છે. સોલા સિવિલ હોસ્પિટલની બેદરકારી સામે આવતાં તંત્રમાં ફફડાટ મચી ગયો હતો. આ મામલે સોલા પોલીસે જણાવ્યું હતું કે, DNA રિપોર્ડ બાદ સાબિત થશે ત્યારબાદ ગુનો નોંધવામાં આવશે અને કાર્યવાહી કરવામાં આવશે.

ahmedabad Civil Hospital અમદાવાદ સિવિલ હોસ્પિટલ ગુજરાત
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ