શહેરના પૂર્વ વિસ્તારમાં વેપારી જયારે દુકાને જાય ત્યારે પાડોશી તેમની પત્નીના વીિડયો ઉતારી ગંદા ઈશારા કરતાે હતાે, જેથી વેપારીએ પાડોશીને ઠપકો આપતાં મામલો ઇસનપુર પોલીસ સ્ટેશનમાં પહોંચ્યો છે. પાડોશીએ વેપારીને તારું મકાન ર૦ લાખમાં આપી દેજે, નિહતર હેરાન કરી નાખીશ તેવી ધમકી પણ આપી છે.
ઇસનપુરની ન્યૂ વાઘેશ્વરી સોસાયટીમાં ઇલેક્ટ્રિક દુકાન ધરાવતા યુવકે ફરિયાદ કરી છે. ફરિયાદમાં જણાવ્યા અનુસાર વેપારી તેમના પરિવાર સાથે રહે છે. ગુરુવારના રોજ તેઓ સવારે દુકાન જવા માટે નીકળ્યા હતા ત્યારે ઘર બહાર આવી તેમનાં પત્ની ટિફિન આપતાં હતાં તે સમયે ત્યાં પાડોશમાં રહેતી એક વ્યક્તિ છુપાઈને તેમની પત્નીનો વીિડયો ઊતારતી હતી અને બીભત્સ ઈશારો કરતી હતી.
જેથી વેપારીએ તેને આ બાબતે પૂછ્યું તો તેણે જવાબ આપ્યો ન હતો અને બીજા દિવસે પાડોશી વેપારીની પત્નીનો વીડિયો ઉતારી બીભત્સ ઈશારા કરતો હતો, જેથી આ બાબતે તેને ઠપકો આપવા જતાં પાડોશીએ વેપારીને કહ્યું કે, 'એવું તો શું છે તારી પત્નીમાં કે આટલો ભાવ ખાય છે?'
વેપારી અને પાડોશી વચ્ચે વીડિયો બાબતે ઝઘડો થયા બાદ આ પાડોશી અને તેના દીકરાએ વેપારીના ઘરે લગાવેલા સીસીટીવી બાબતે ઝઘડાે કર્યાે હતાે અને સીસીટીવી કાઢી નાખવા માટે પણ કહ્યું હતું. પાડોશીએ વેપારીને કહ્યું કે ર૦ લાખમાં ઘર આપી દેજે, નહિતર તને હેરાન કરી દઇશું.
તેને આમ કહીને બોલાચાલી કરી હતી. વેપારીનો એવો પણ આક્ષેપ છે કે પાડોશીએ તેમનું ઘર ખરીદવા અગાઉ કોર્પોરેશન તથા પોલીસમાં અનેક વાર ખોટી અરજીઓ પણ કરી હતી. વેપારીએ ઇસનપુર પોલીસ સ્ટેશનમાં પાડોશી વિરુદ્ધ ફરિયાદ નોંધાવતાં પોલીસે ગુનો નોંધી વધુ તપાસ હાથ ધરી છે.